ەلىمىزدىڭ ءبىرقاتار وڭىرىندە اۋا رايىنىڭ قولايسىزدىعىنا بايلانىستى ىشكى ىستەر مينيسترلىگى جول قوزعالىسىنا قاتىسۋشىلارعا ۇندەۋ جاسادى، – دەپ حابارلايدى aqshamnews.kz.
قۇبىلمالى اۋا رايى ساقتالىپ وتىرعان اقمولا، اقتوبە، قاراعاندى، قوستاناي، پاۆلودار، شىعىس قازاقستان، سولتۇستىك قازاقستان جانە اباي وبلىستارى، سونداي-اق ەلورداداعى تراسسالاردا ءتارتىپ ساقشىلارى جۇرگىزۋشىلەر مەن جولاۋشىلارعا تاۋلىك بويى كومەك كورسەتىپ جاتىر.
– بوران مەن كوكتايعاق سالدارىنان جولداردا ءقاۋىپتى جاعدايلار تۋىنداۋى مۇمكىن.
جول-كولىك وقيعالارىنىڭ الدىن الۋ جانە قوزعالىستىڭ بارلىق قاتىسۋشىلارىنىڭ قاۋىپسىزدىگىن قامتاماسىز ەتۋ ماقساتىندا سىزدەردى جول ەرەجەلەرىن قاتاڭ ساقتاۋعا شاقىرامىز.
كورۋ مۇمكىندىگىنىڭ ازاياتىنىن ەسكەرە وتىرىپ، جىلدامدىقتى اسىرماۋدى سۇرايمىز. مانيەۆر جاساۋدان اۋلاق بولىڭىزدار، كولىكتەر اراسىنداعى اراقاشىقتىقتى ساقتاڭىزدار.
جاياۋ جۇرگىنشىلەر وتەتىن جەرلەردە جۇرگىزۋشىلەر وتە مۇقيات بولۋى ءتيىس. اۆتوكولىكتىڭ تەحنيكالىق جاعدايىن تەكسەرۋ جانە قىسقى دوڭعالاقتاردى پايدالانۋ وتە ماڭىزدى.
اۋا رايى كۇرت ناشارلاعان جاعدايدا الىس ساپارعا شىقپاڭىزدار. SMS-حابارلاندىرۋلار مەن رەسمي دەرەككوزدەردەگى اقپاراتتى نازاردان تىس قالدىرماعان ءجون.
جول ءجۇرىسى قاعيدالارىن ساقتاۋ – قاۋىپسىزدىك كەپىلى. توتەنشە جاعداي ورىن السا، 112 ءنومىرى ارقىلى شۇعىل قىزمەتكە، 102 ءنومىرى ارقىلى پوليسياعا حابارلاسىڭىزدار، – دەپ ەسكە سالدى پوليسيا قىزمەتكەرلەرى.
سونىمەن قاتار ۆەدومستۆو قاراپايىم ەرەجەلەردى ۇستانۋ وقىس وقيعالاردىڭ الدىن الاتىنىن اتاپ ءوتتى.