كۇدىكتى ءۇش بىردەي Iphone 12 ۇيالى تەلەفونىن جىمقىرعان.
الماتى وبلىسىنىڭ ازاماتى قىمبات تەلەفون ۇرلادى دەگەن كۇدىكپەن پوليسەيلەردىڭ قولىنا ءتۇستى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالىمەت بويىنشا، كەنتاۋ قپب-عا جەرگىلىكتى تۇرعىن ارىزدانعان. ول ارىزىندا ءوزىنىڭ ساۋدا ۇيىنە بەلگىسىز بىرەۋلەر تۇنگى ۋاقىتتا كىرىپ، ءۇش بىردەي Iphone 12 ۇيالى تەلەفونىن جىمقىرىپ كەتكەنىن كورسەتكەن. وسى وقيعاعا بايلانىستى ءتارتىپ ساقشىلارى حابار الىسىمەن جولعا شىققان.
«پوليسەيلەر وقيعانىڭ ءمان-جايىن انىقتاپ، كۇدىكتى رەتىندە تانىلعان الماتى وبلىسىنىڭ تۇرعىنىن ۇستادى. سونداي-اق ءتارتىپ ساقشىلارى ورتا جاستاعى كۇدىكتى ازاماتتى پب-عا جەتكىزىپ، ورىن العان جايتتىڭ اق-قاراسىن اجىراتۋ ماقساتىندا تەرگەۋ امالدارىن جۇرگىزدى»، – دەپ حابارلادى ماماندار.
مامانداردىڭ ايتۋىنشا، كۇدىكتى ازامات جابىرلەنۋشىنىڭ قول استىنداعى جۇمىسكەرى بولعان. جابىرلەنۋشى ازامات ۇيالى تەلەفونداردى ءوز جۇمىسشىسىنا سەنىپ تاپسىرعان. الايدا كۇدىكتى سەنىپ تاپسىرىلعان تەلەفونداردى ءوز پايداسى ءۇشىن جىمقىرىپ، ءىزىن سۋىتقان. سونداي-اق كۇدىكتى قولدى ەتكەن ۇيالى تەلەفوندى ارزان باعادا ساتىپ ۇلگەرگەن.
«پوليسەيلەر بۇل جايتتى ق ر قىلمىستىق كودەكسىنىڭ 189-بابى (سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ) بويىنشا تىركەدى. جابىرلەنۋشىگە كەلتىرىلگەن جالپى شىعىن كولەمى 1 500 000 تەڭگە. قازىرگى تاڭدا پوليسيا قىزمەتكەرلەرى كۇدىكتى ازاماتقا قاتىستى سوتقا دەيىنگى تەرگەۋ امالدارىن جالعاستىرۋدا. ءوز كەزەگىندە پوليسەيلەر تۇرعىندارعا بەيتانىس ازاماتتارعا ارتىق سەنىم بىلدىرمەۋگە شاقىرادى»، – دەلىنگەن حابارلامادا.