پوليسەيلەر كولىك ۇرلاعان ازاماتتى قۋىپ ءجۇرىپ ۇستادى

قاسكۇنەم ءتارتىپ ساقشىلارىنىڭ تالابىن ەلەمەي، جىلدامدىعىن ارتتىرىپ، جاسىرىنۋعا تىرىسقان.

اباي وبلىسىنىڭ پوليسياسىنا گلينكي كوشەسىندەگى ءۇيدىڭ اۋلاسىنان اۆتوكولىك ۇرلانعانى تۋرالى سيگنال تۇسكەن، پوليسيا قىزمەتكەرلەرى كۇدىكتىنى انىقتادى، دەپ حابارلايدى Almaty-akshamy.kz.

جۇرگىزۋشى كولىك قۇرالىن اۆتوتۇراقتا اشىق قالدىرعان، سول سەبەپتى ونى ايداپ اكەتۋ قيىن بولماعان. پاترۋلدىك پوليسيا باتالونىنىڭ ينسپەكتورلارى باعدار الىپ، رىسقۇلوۆ كوشەسى بويىندا ۇرلانعان كولىكتىڭ قوزعالىسىن ءىزىن سۋىتپاي انىقتادى.

Polisia.kz حابارلاۋىنشا، كولىكتى توقتاتۋعا تىرىسقاننان كەيىن قاسكۇنەم ءتارتىپ ساقشىلارىنىڭ تالابىن ەلەمەي، جىلدامدىعىن ارتتىرىپ، جاسىرىنۋعا تىرىسقان. ەگەر جولدا كولىكتى توقتاتۋعا اسىققان پوليسەيلەر بولماسا، اباي وبلىسىنىڭ 27 جاستاعى تۇرعىنى ۇرلانعان اۆتوكولىكپەن ەمىن-ەركىن جۇرە بەرەر ەدى.

"102" ارناسىنا ساعات 23:00 شاماسىندا پوليسياعا گلينكي كوشەسىندەگى ءۇيدىڭ اۋلاسىنان اۆتوكولىكتى ۇرلاۋ تۋرالى سيگنال تۇسەدى. كولىك قۇرالىنىڭ تىزگىنىندە كولىك جۇرگىزۋگە قۇقىعى جوق ماس كۇيىندە 27 جاستاعى جەرگىلىكتى تۇرعىن بولعان. مەديسينالىق مەكەمەنىڭ كۋالاندىرۋ ناتيجەسى 2،01 مگ/ل ونىڭ ورتاشا ماساڭ بولعانىن جانە وزدىگىنەن اياعىنا تۇرا المايتىنىن راستادى. اتالعان فاكت بويىنشا ق ر قك-نىڭ 200-بابى بويىنشا سوتقا دەيىنگى تەرگەۋ باستالدى. قاسكۇنەمگە ايىپ تاعىلىپ، ەشقايدا كەتپەۋ جانە ءتيىستى مىنەز-قۇلىق تۋرالى قولحات تۇرىندەگى بۇلتارتپاۋ شاراسى تاڭدالدى.