وپەراسيا بارىسىندا پوليسەيلەر ەلىمىزدەگى 72 مىڭنان استام جالعا الىنعان پاتەرگە تەكسەرۋ جۇرگىزدى. بۇل تۋرالى ىشكى ىستەر مينيسترلىگىنىڭ وكىلى شۇعىلا تۇرلىبەك ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
قىركۇيەك ايىنان باستاپ جۇرگىزىلىپ كەلە جاتقان «ۋچاسكە» جەدەل الدىن الۋ ءىس-شاراسى جالعاسۋدا. ونىڭ باستى مىندەتى - قىزمەت كورسەتىلەتىن ۋچاسكەلەردە ماسەلەلەردى زەردەلەۋ، قۇقىق بۇزۋشىلىقتىڭ الدىن الۋ جانە ەسكەرتۋ. ۋچاسكەلىك پوليسيا ينسپەكتورلارى تۇرعىندارمەن تانىسىپ، ءتارتىپ بۇزۋشىلاردى انىقتاۋ جانە پوليسيا ەسەبىندە تۇرعانداردى تەكسەرۋ، سونداي-اق پروبلەمالاردى شەشۋ ءۇشىن اۋلالاردى جانە پاتەرلەردى ارالاپ حالىقپەن كەزدەسۋلەر وتكىزەدى. جالعا بەرىلەتىن پاتەرلەر، بازارلار، تۇرمىسى ناشار وتباسىلار، ازاماتتىق قارۋ يەلەرى مەن شەتەلدىكتەر تەكسەرىلەدى»، - دەدى شۇعىلا تۇرلىبەك ىشكى ىستەر مينيسترلىگى ۇيىمداستىرعان اپتالىق بريفينگىدە.
ونىڭ ايتۋىنشا، پوليسيا بەلگىلى ءبىر تۇرعىلىقتى جەرى جوق ادامداردى، زاڭسىز كەلگەن شەتەلدىكتەردى، تىيىم سالىنعان زاتتاردى ساقتاۋ فاكتىلەرىن انىقتاۋ ماقساتىندا ساياجايلاردى، قىستاقتاردى، شاعىن ەلدى مەكەندەردى ارالايدى.
«بۇگىنگى تاڭدا پوليسەيلەر 4 ميلليونعا جۋىق پاتەر مەن جەكە ۇيلەردى ارالاپ، 240 مىڭنان استام ساياجايدى جانە 52 مىڭعا جۋىق شارۋا قوجالىعى مەن قىستاقتاردى تەكسەرىپ شىقتى. 72 مىڭنان استام جالعا الىنعان پاتەرگە تەكسەرۋ جۇرگىزدى. ناتيجەسىندە، مەملەكەتتىك كىرىس ورگاندارىندا تىركەۋسىز تۇرعىن ءۇيدى جالعا بەرۋدىڭ 9 مىڭعا جۋىق فاكتىسى انىقتالدى. اتىس قارۋىن ساقتاۋ جانە الىپ ءجۇرۋ ەرەجەلەرىن بۇزۋدىڭ 2،5 مىڭعا جۋىق جاعدايى تىركەلدى. زاڭسىز اينالىمنان تىركەلمەگەن اتىس قارۋىنىڭ 277ء-سى الىندى»، - دەدى ول.
وپەراسيا باستالعاننان بەرى پوليسيا قىزمەتكەرلەرى 388 مىڭنان استام اكىمشىلىك قۇقىق بۇزۋشىلىقتىڭ، ونىڭ ىشىندە 6 مىڭ ۇساق بۇزاقىلىق فاكتىسىنىڭ، تۇرمىستا 8 مىڭنان استام زاڭ بۇزۋشىلىقتىڭ، 64 مىڭنان استام كوشى-قون زاڭناماسىن بۇزۋ جاعدايىنىڭ جولىن كەستى.