جولاۋشىلار تاسىمالى» اق تەمىرجول كولىگىندە تاسىمالداۋعا تىيىم سالىنعان زاتتار تۋرالى جولاۋشىلارعا ەسكە سالادى.
قازاقستان رەسپۋبليكاسىنىڭ زاڭناماسىنا سايكەس، ءقاۋىپتى جانە تىيىم سالىنعان زاتتاردى پويىزعا الىپ ءوتۋ ارەكەتى قىلمىستىق جاۋاپكەرشىلىككە اكەپ سوعادى، دەپ حابارلايدى Aqshamnews.kz Rail-news.kz-كە سىلتەمە جاساپ.
پويىزعا قانداي زاتتاردى الىپ وتۋگە بولمايدى؟
- جارىلعىش زاتتار مەن قۇرىلعىلار، سونداي-اق پيروتەحنيكالىق بۇيىمدار: ساليۋتتەر، فەيەرۆەركتەر جانە جارىلىس ءقاۋپى بار وزگە دە زاتتار.
- راديواكتيۆتى، ەسىرتكىلىك جانە پسيحوتروپتىق زاتتار، سونداي-اق تەز تۇتاناتىن سۇيىقتىقتار مەن حيميالىق قوسپالار: مىسالى، بەنزين، مەتيل ەفيرى، مەتانول جانە سول سياقتى ءقاۋىپتى زاتتار.
- تۇتانعىش قاتتى زاتتار. ۋلى، كۇشتى اسەر ەتەتىن جانە ۋلاندىرعىش زاتتار (سۇيىق نەمەسە قاتتى كۇيدە).
- ينفەكسيالىق نەمەسە بيولوگيالىق تۇرعىدان ءقاۋىپتى ماتەريالدار: جۇقپالى اۋرۋ تۋدىرۋى مۇمكىن زاتتار مەن ولاردى قامتيتىن بۇيىمدار.
- بارلىق تۇردەگى قارۋ-جاراق: اتىس قارۋى، لاقتىرمالى، ەلەكترلى، مەحانيكالىق، گازدى جانە تراۆماتيكالىق قارۋ، سونداي-اق، سۋىق قارۋ: پىشاقتار، قانجارلار، شتىك، قىلىش، پالاش، ياتاگان، تەساكي، كاستەت، كيستەن، ستيلەت، شاشكا، سەمسەر جانە سوققى-دروبياششيي اسەرى بار وزگە دە زاتتار.
- وق-دارىلەر مەن پاتروندار: سوعىسقا ارنالعان، جارىق-دىبىستىق، حولوستىق، تراۆماتيكالىق اسەرى بار، اڭشىلىققا ارنالعان جابدىقتالعان پاتروندار جانە باسقا دا اتۋعا جارامدى سناريادتار.
ساپار الدىندا جولاۋشىلار ۆوكزالداردا مىندەتتى تۇردە قاۋىپسىزدىك تەكسەرۋىنەن وتەدى. بۇگىندە ەلىمىزدىڭ ءىرى تەمىرجول ۆوكزالدارى رەنتگەن-تەليەۆيزيالىق قوندىرعىلارمەن، ستاسيونارلىق جانە قول مەتالل دەتەكتورلارىمەن، سونداي-اق ءپورتاتيۆتى انىقتاۋ قۇرىلعىلارىمەن تولىق جابدىقتالعان. سونىمەن قاتار، بەينەباقىلاۋ، دابىل بەرۋ جانە كۇزەت جۇيەلەرى ۇزدىكسىز جۇمىس ىستەيدى. جولاۋشىلاردىڭ قاۋىپسىزدىگىن تاۋلىك بويى پوليسيا قىزمەتكەرلەرى مەن كۇزەت ۇيىمدارىنىڭ وكىلدەرى قامتاماسىز ەتەدى.
جولاۋشىلار تاسىمالىنداعى قاۋىپسىزدىكتى كۇشەيتۋ ماقساتىندا پويىزداردا بەينەباقىلاۋ جۇيەسى كەزەڭ-كەزەڭىمەن ەنگىزىلۋدە. قازىرگى ۋاقىتتا تالگو پويىزدارىنىڭ 630 ۆاگونىنا (24 قۇرام) 1 350 بەينەكامەرا ورناتىلعان. سونىمەن قاتار 19 باعىتتا جۇرەتىن 46 مەيرامحانا جانە بار-ۆاگوندا قوسىمشا 92 كامەرا ىسكە قوسىلدى. بارلىق بەينەماتەريالدار سيتۋاسيالىق ورتالىققا تىكەلەي ءتۇسىپ، وندا ماماندار ءاربىر توتەنشە نەمەسە ستاندارتتان تىس جاعدايدى جەدەل تالداپ، ءتيىستى شەشىمدەر قابىلدايدى.
كومپانيا جولاۋشىلاردى بەكىتىلگەن ەرەجەلەردى ساقتاۋعا جانە ءقاۋىپسىز ءارى جايلى ساپاردى قامتاماسىز ەتۋگە باعىتتالعان شارالارعا تۇسىنىستىكپەن قاراۋعا شاقىرادى.