جاڭا جىل مەرەكەسى كەزىندە قوعامدىق قاۋىپسىزدىكتى قامتاماسىز ەتۋ، سونداي-اق ازاماتتىق پيروتەحنيكالىق بۇيىمدارىن جەكە جانە زاڭدى تۇلعالاردىڭ بەلگىلەنگەن تالاپتاردى ساقتاۋىن باقىلاۋ ماقساتىندا "پيروتەحنيكا" شاراسى وتۋدە، – دەپ حابارلايدى Aqshamnews.kz.
Polisia.kz مالىمەتىنشە، شارانى وتكىزۋ ءۇشىن 1 مىڭنان استام بىرلەسكەن رەيدتىك توپ قۇرىلدى، ولار 2 مىڭنان استام رەيدتىك ءىس-شارا وتكىزدى.
– ءىس-شارا بارىسىندا پيروتەحنيكالىق بۇيىمداردىڭ اينالىمى قاعيدالارىن بۇزۋدىڭ 90-عا جۋىق دەرەگى انىقتالدى. ونىڭ ىشىندە تاۋارلار نەمەسە وزگە دە زاتتاردى زاڭسىز ساتۋ بويىنشا 84 دەرەك جانە ەلدى مەكەندەردە ءارى ارنايى بولىنبەگەن ورىنداردا پيروتەحنيكالىق بۇيىمداردى قولدانۋ ارقىلى ازاماتتاردىڭ تىنىشتىعىن بۇزۋ بويىنشا 5 دەرەك تىركەلدى. قۇقىق بۇزۋشىلاردان 705-تەن استام دانا جانە 100-گە جۋىق قوراپ سەرتيفيكاتتالماعان پيروتەحنيكالىق ءونىم تاركىلەندى. قاۋىپسىزدىك ماقساتىندا پيروتەحنيكالىق بۇيىمداردى تەك وسى قىزمەت تۇرىنە ءتيىستى ليسەنزياسى بار مامانداندىرىلعان دۇكەندەردەن جانە ستاسيونارلىق ساۋدا پاۆيلوندارىنان عانا ساتىپ الۋ قاجەت. پيروتەحنيكانى، ياعني پەتاردالار، فەيەرۆەركتەر، بەنگال وتتارىن ساتىپ الۋ كەزىندە ساتۋشىلاردان ونىمگە سايكەستىك سەرتيفيكاتىن تالاپ ەتۋ كەرەك. ءاربىر پيروتەحنيكالىق بۇيىمدا مەملەكەتتىك جانە ورىس تىلدەرىندە قولدانۋ جونىندەگى تولىق نۇسقاۋلىقتىڭ بولۋى مىندەتتى. نۇسقاۋلىقپەن تانىسقان كەزدە ساقتاۋ مەرزىمىنە ەرەكشە نازار اۋدارۋ قاجەت. ەگەر ءونىمنىڭ مەرزىمى ءوتىپ كەتكەن بولسا، ونى پايدالانۋعا قاتاڭ تىيىم سالىنادى. مەرەكە كۇندەرىڭىز ءقاۋىپسىز بولسىن. قاۋىپسىزدىك - قاراپايىم قاعيدالار ساقتالعان جەردەن باستالادى، – دەدى ق ر ءىىم اپك-نىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا.