وزبەكستان بيلىگى قاڭتار ايىندا ەنگىزىلگەن پياز ەكسپورتىنا سالىنعان تىيىمدى الىپ تاستادى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
وزبەكستان اۋىل شارۋاشىلىعى مينيسترلىگى باسپا ءسوز قىزمەتىنىڭ حابارلاۋىنشا، 15 ناۋرىزدان باستاپ پياز ەكسپورتىنا قويىلعان ۋاقىتشا شەكتەۋ ۇكىمەتتىڭ شەشىمىمەن الىنىپ تاستالدى. مۇنداي شەشىم ىشكى نارىقتاعى پياز باعاسىنىڭ تۇراقتاۋىنا بايلانىستى قابىلداندى.
بۇعان دەيىن حابارلانعانداي، وزبەكستاندا باعانىڭ كۇرت كوتەرىلۋىنەن كەيىن 1 قاڭتاردان باستاپ ءتورت ايعا پياز ەكسپورتىنا تىيىم سالىندى.
وعان وتىن-ەنەرگەتيكا كەشەنىندە، لوگيستيكا جانە ءونىمدى تاسىمالداۋ جۇيەسىندە ۇزىلىستەرگە اكەلگەن قالىپتان تىس سۋىق سەبەپ بولدى. ول كەزدە پيازدىڭ تابيعي شىعىنى 228 مىڭ توننانى قۇرادى.