ادىلەتتى قازاقستاندى قۇرۋ مينيسترلەر مەن اكىمدەردىڭ عانا مىندەتى ەمەس.
پرەزيدەنت وعان بۇكىل قوعام بولىپ جۇمىلۋىمىز كەرەكتىگىن ايتتى. ءقازىر پرەزيدەنت قاسىم-جومارت توقايەۆتىڭ قاتىسۋمەن تۇركىستاندا ۇلتتىق قۇرىلتايدىڭ ەكىنشى وتىرىسى ءوتىپ جاتىر، دەپ حابارلايدى Almaty-akshamy.kz.
تۇپكى ماقساتىمىزعا جەتۋ ءۇشىن ساياسي-ەكونوميكالىق رەفورما جاساۋ جەتكىلىكسىز. بۇل تۋرالى تۇركىستاندا ءوتىپ جاتقان ۇلتتىق قۇرىلتايدا پرەزيدەنت قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.
«قازاقستان – وسى گەوساياسي ايماقتا ساياسي جۇيەسىن قىسقا مەرزىم ىشىندە تۇبەگەيلى وزگەرتكەن بىردەن-بىر مەملەكەت. تىڭ وزگەرىستەردىڭ ارقاسىندا ساياسي رەفورمالاردىڭ قازاقستانعا عانا ءتان ەرەكشە ۇلگىسى قالىپتاستى. كەلەشەكتە دە ونىڭ ءمان-ماڭىزى ارتا بەرمەك. الايدا، قولدا بار جەتىستىككە توقمەيىلسىپ وتىرۋعا بولمايدى. الدا ۇزاق جول، اۋقىمدى جۇمىس بار. جالپى، ادىلەتتى قازاقستاندى قۇرۋ مينيسترلەر مەن اكىمدەردىڭ عانا مىندەتى ەمەس. وعان بۇكىل قوعام بولىپ جۇمىلۋىمىز كەرەك. ال، تۇپكى ماقساتىمىزعا جەتۋ ءۇشىن ساياسي-ەكونوميكالىق رەفورما جاساۋ جەتكىلىكسىز»، - دەپ توقتالدى مەملەكەت باسشىسى قاسىم-جومارت توقايەۆ.
پرەزيدەنت ادىلەتتى قازاقستاندى قۇرۋ ءۇشىن ەڭ باستىسى ءار ازاماتتىڭ سانا-سەزىمىنە سەرپىلىس جاساۋ كەرەكتىگىن باسا ايتتى.
«ەڭ باستىسى، ءار ازاماتتىڭ سانا-سەزىمى جاڭعىرۋى قاجەت. حالقىمىزدىڭ دۇنيەتانىمى جانە ومىرلىك ۇستانىمدارى وزگەرۋگە ءتيىس. ايتپەسە، باسقا رەفورمانىڭ ءبارى بەكەر. ءبىر سوزبەن ايتساق، پيعىل وزگەرمەسە، ەشتەڭە دە وزگەرمەيدى»، - دەدى پرەزيدەنت.