ەلىمىزدىڭ دەنساۋلىق ساقتاۋ ءمينيسترى الەكسەي سوي Pfءىzer ۆاكسيناسىنىڭ باعاسى تۋرالى تۇسىنىكتەمە بەردى، دەپ حابارلايدى almaty-akshamy.kz
«باعا تەك Pfءىzer ۆاكسيناسىنا قاتىستى، ال قالعان ۆاكسينالاردى ازاماتتار تەگىن الا الادى. اتالعان ەكپەنى كوممەرسيالىق كومپانيا ساتىپ الىپ، ىشكى نارىقتا ۇسىنادى. ادەتتە شارا وسىلاي جۇزەگە اسادى. مىسالى، تۇماۋعا قارسى ەكپەنى مەملەكەتتىك مەديسينالىق ۇيىمداردان دا، جەكە مەديسينالىق ۇيىمنان دا الۋعا بولادى. بۇل دا سول سەكىلدى. جالپى ۆاكسينانى جەتكىزۋ مەن ونى ساقتاۋ ۇلكەن جاۋاپكەرشىلىكتى تالاپ ەتەدى جانە وڭاي شارۋا ەمەس. ءجىتى باقىلاۋ قاجەت. Pfءىzer ۆاكسيناسىنىڭ باعاسىنا كەلسەك، باسقا ەلدەرمەن سالىستىرعاندا جوعارى بولمايدى، قولجەتىمدى باعا بولادى»، - دەدى ا. سوي ۇكىمەت ۇيىندە تىلشىلەردىڭ سۇراعىنا جاۋاپ بەرە تۇرا.
بۇعان دەيىن مينيستر ەلىمىزدە Pfءىzer ۆاكسيناسىن الىپ جاتقان جۇكتى ايەلدەر، ەمىزۋلى انالار مەن جاسوسپىرىمدەردىڭ جاعدايى تۋرالى ايتىپ بەرگەن ەدى.