ق ر دەنساۋلىق ساقتاۋ ءمينيسترى الەكسەي سوي Pfizer ۆاكسيناسى كىمدەرگە ارنالعانىن ناقتىلادى، دەپ حابارلايدى almaty-akshamy.kz
ورتالىق كوممۋنيكاسيالار قىزمەتىندە ريەۆاكسيناسيا اياسىندا Pfizer ۆاكسيناسىنىڭ قوسىمشا دوزالارىن جەتكىزۋ تۋرالى سۇرالدى.
«باستاپقى كەزەڭدە باسىمدىقتى ساناتتار ايقىندالادى. وسى ورايدا 12 جاستان اسقان بالالار، جۇكتى ايەلدەر قامتىلماق. ال دۇنيەجۇزىلىك دەنساۋلىق ساقتاۋ ۇيىمى ماقۇلداعان باسقا ۆاكسينالار بويىنشا ەرەسەك ادامدار ەكپە سالدىرا الادى. قازىرگى كەزەڭدە ءبىز الدىمەن اتالعان ساناتتارعا (Pfizer) ەكپە قويامىز»، - دەدى ا. سوي.
«ەل بويىنشا توڭازىتقىشتار جەتكىزىلدى. ياعني توڭازىتقىش جەلىسى دۇرىس قويىلىپ، ورناتىلادى. مينۋس 80 تەمپەراتۋرالىق رەجيم قازاقستان بويىنشا قوسىلادى»، - دەدى مينيستر.
ەسكە سالا كەتەيىك، Pfizer كومپانياسىمەن 2021 جىلدىڭ سوڭىنا دەيىن قازاقستانعا 4 ملن دوزا ۆاكسينانى جەتكىزۋ بويىنشا شارتقا قول قويىلدى.