قازاقستاندا Pfizer ۆاكسيناسى ەڭ اۋەلى قاي جاستاعى بالالارعا سالىناتىنى بەلگىلى بولدى
سانيتارلىق-ەپيدەميولوگيالىق باقىلاۋ كوميتەتىنىڭ سايتىندا ەلىمىزدە بالالاردى ۆاكسينالاۋعا قاتىستى مەتوديكالىق ۇسىنىمدار پايدا بولدى، دەپ حابارلايدى Almaty-akshamy.kz
قۇجاتتا باستاپقى كەزەڭدە كوروناۆيرۋسقا قارسى پروفيلاكتيكالىق ەگۋدى 16-دان 18 جاسقا دەيىنگى جاسوسپىرىمدەردەن باستاۋ قاجەتتىگى ايتىلعان.
«كەلەسى كەزەڭدەردە (ۆاكسينا سالدىرۋعا نيەتتى 16 مەن 18 جاس ارالاعىنداعى جاسوسپىرىمدەرگە كوروناۆيرۋسقا قارسى ۆاكسينا سالىپ بولعاننان كەيىن) 15، 14، 13 جانە 12 جاستاعى جاسوسپىرىمدەرگە رەت-رەتىمەن ۆاكسينا سالىنادى»، - دەلىنگەن قۇجاتتا.
سونىمەن قاتار، قۇجاتتا مەكتەپتەردە، كوللەدجدەر مەن جوعارى وقۋ ورىندارىندا وقيتىن جاسوسپىرىمدەرگە ۆاكسينا وقۋ ورنىندا سالىنۋى مۇمكىن ەكەنى ايتىلعان. ودان بولەك، اياعى اۋىر ايەلدەر جۇكتىلىكتىڭ 16-37 اپتاسى ارالىعىندا، ال بالا ەمىزەتىن انالار بوسانعان سوڭ 42 كۇننەن كەيىن كوروناۆيرۋسقا قارسى ۆاكسينا سالدىرا الادى.
ەلىمىزگە Pfizer ۆاكسيناسىنىڭ 8-14 قاراشا ارالىعىندا جەتكىزىلەتىنىن بۇدان بۇرىن حابارلاعانبىز. وسىعان دەيىن جاريالانعان كەلىسىمشارتتىق مىندەتتەمەلەرگە سايكەس 2 ملن ادامعا شامامەن 4 ميلليون ۆاكسينا جەتكىزىلمەك.