قالا اكىمدىگى اتاپ وتكەندەي، 2024 جىلدىڭ 26 ناۋرىزىنان باستاپ قالا اۋماعىندا قاردىڭ قارقىندى ەرۋى سالدارىنان جەكە سەكتورلاردى جاپپاي سۋ باستى، دەپ حابارلايدى اlmaty-akshamy.kz.
"سونداي-اق، كارىز كوللەكتورلارى مەن سۋاعارلارعا تۇسەتىن جۇكتەمەنىڭ ارتۋىنا بايلانىستى، اباي كوشەسى بويىنداعى كوللەكتور ىستەن شىققان بولاتىن. كەسىرىنەن تۇرعىنداردىڭ قالىپتى تىنىس-تىرشىلىگى بۇزىلىپ، بىرنەشە تۇرعىن ءۇي سۋ استىندا قالدى"، دەپ حابارلادى پەتروپاۆل قالاسى اكىمدىگىنىڭ باسپا ءسوز قىزمەتى.
سونداي-اق قالادا 4 ساۋىردەن باستاپ توتەنشە جاعداي رەجيمى جاريالانعانى ناقتىلانادى.
"اۆاريالىق جاعدايدى جويۋ جانە تۇرعىندارعا كەلتىرىلگەن شىعىندى مينيميزاسيالاۋ ماقساتىندا قالا اكىمىنىڭ شەشىمىمەن 2024 جىلى 4 ساۋىردەن باستاپ پەتروپاۆل قالاسىنىڭ اۋماعىندا جەرگىلىكتى اۋقىمداعى تابيعي سيپاتتاعى تج رەجيمى جاريالانادى"، دەپ جازىلعان پەتروپاۆل قالاسى اكىمدىگىنىڭ باسپا ءسوز قىزمەتىنىڭ حابارلاماسىندا.