وعان قالادا بولعان ءورت سەبەپ بولىپ وتىر.
بۇل تۋرالى قالالىق اكىمدىك وكىلدەرى مالىمدەدى. ەستەرىڭىزگە سالا كەتەيىك، جەتىنشى مامىر كۇنى «بەرەكە» ىقشام اۋدانىندا قامىس ورتەنىپ، ءتىلسىز جاۋ جەكە سەكتورعا جايىلعان ەدى. سالدارىنان توعىز باسپانا تولىعىمەن جانىپ كەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
تاعى ەكەۋى ءقازىر تۇرۋعا جارامسىز. سوندىقتان بۇگىندە ون ءبىر وتباسىنىڭ جەتەۋى ۋاقىتشا باسپانالارعا جايعاستى. قالعان ءتورت جانۇيا ءازىر تۋعان-تۋىستارىن پانالاۋعا ءماجبۇر. مۇنىمەن قوسا زارداپ شەككەن باسپانا يەلەرىنە 100 اەك كولەمىندە ماتەريالدىق وتەماقى تولەنەتىن بولادى. ال توتەنشە جاعداي جاريالانعان سوڭ، ارنايى ماماندار بارلىق شىعىندى ەسەپتەيتىن بولادى.
«اشىق ۇكىمەتتىك ەمەس ۇيىمداردىڭ سايتىندا توتەنشە جاعدايدى ەنگىزۋ بويىنشا جوبا ەنگىزىلدى. ءقازىر ول ونلاين قارالىپ جاتىر. قارالعاننان كەيىن ادىلەت دەپارتامەنتىنە جىبەرىلەدى. تىركەلگەننەن كەيىن توتەنشا جاعداي جاريالاناتىن بولادى. توتەنشە جاعداي بىزگە وسى زارداپ شەككەن تۇرعىندارعا بارىنشا ماتەريالدىق كومەكتى زاڭ اياسىندا كورسەتۋى قاجەت»، - دەيدى پەتروپاۆل قالاسى اكىمىنىڭ باسپا ءسوز حاتشىسى ەلميرا ءسادۋاقاسوۆا.