پەتروپاۆلدا قاتتى داۋىلدىڭ سالدارىن جويۋ جۇمىستارى جالعاسىپ جاتىر.
«I-komek 109» ورتالىعىنا ءتۇنى بويى 200-دەن اسا قوڭىراۋ تۇسكەن. كەشە قالادا قاتتى جەل كوتەرىلىپ، نوسەر جاۋدى، دەپ حابارلايدى Almaty-akshamy.kz.
24.kz تاراتقان اقپاراتقا سايكەس، اۋا رايىنىڭ قولايسىزدىعىنان بىرنەشە اۋداننىڭ تۇرعىندارى جارىقسىز قالدى. كوپقاباتتى تۇرعىن ۇيلەردىڭ شاتىرىنان سۋ اقتى. سونىمەن قاتار، اعاش بۇتاقتارى سىنىپ، جەڭىل كولىكتەرگە زاقىم كەلدى. زارداپ شەككەندەر جوق. ءقازىر كوممۋنالدىق قىزمەت ماماندارى كوشەلەردى تازالاپ، ىستەن شىققان ەلەكتر جەلىلەرىن جوندەپ جاتىر.
«پەتروپاۆلدا 13 قوسالقى ستانسيادا جارىق ءسوندىرىلدى. قالانىڭ باسىم بولىگىندە جارىق بەرۋ جۇمىستارى بىرنەشە ساعاتتىڭ كولەمىندە جۇرگىزىلدى. بۇگىن تاڭەرتەڭ ءالى 20-شى ىقشامنىڭ ءبىر بولىگى، سونداي-اق بالىق پيتومنيگىنىڭ اۋدانى پرومزونا جانە گاشەكا مەن ءۋاليحانوۆ كوشەلەرىندە ورنالاسقان ءبىرقاتار نىساندار ءالى جارىقسىز وتىر»، - دەيدى قالالىق اكىمدىكتىڭ باسپا ءسوز حاتشىسى ەلميرا ءسادۋاقاسوۆا.