تۇركسىب اۋدانى بويىنشا «فۋنكسيونالدى ساۋاتتىلىق» قۇزىرەتتىلىك ورتالىعى «№59 مەكتەپ-گيمنازياسى» جۇمىس جوسپارىنا سايكەس كەزەكتى شاراسىن TED كونفەرەنسيا فورماتىن وتكىزدى.
جالپى شارا مەملەكەت باسشىسىنىڭ 2024 جىلدىڭ 2 اقپانداعى «بارشاعا قولجەتىمدى ساپالى ءبىلىم» ۇلتتىق بايانداماسىن جۇزەگە اسىرۋ اياسىندا الماتى قالاسىنىڭ 2024-2025 جىلدارعا ارنالعان جول كارتاسىنا سايكەس «قۇزىرەتتىلىك ورتالىقتارى» جوباسىنىڭ نەگىزىندە ۇيىمداستىرىلدى.
تۇركسىب اۋدانىنىڭ ءبىلىم بەرۋ ۇيىمدارىنداعى جاراتىلىستانۋ-ماتەماتيكالىق باعىتتاعى ءپان مۇعالىمدەرىنە ارنالعان «پروبلەماعا نەگىزدەلگەن وقىتۋ تەحنولوگياسى ارقىلى وقۋشىلاردىڭ فۋنكسيونالدى ساۋاتتىلىعىن دامىتۋ» تاقىرىبىندا كونفەرەنسيانىڭ ماقساتى: ءبىلىم الۋشىلاردىڭ فۋنكسيونالدى ساۋاتتىلىعىن ارتتىرۋ بارىسىندا وقۋ ۇدەرىسىندە تاجىريبەگە باعىتتالعان تاپسىرمالاردى ازىرلەۋ جانە قولدانۋ بويىنشا ادىستەمەلىك قولداۋ كورسەتۋ، تاجىريبە الماسۋ.
كونفەرەنسياعا اۋدان مەكتەپتەرىنەن 24 پەداگوگ قاتىستى. سەمينار بارىسىندا «فۋنكسيونالدىق ساۋاتتىلىق – جالپى وقىتۋدىڭ ناتيجەسى»، «پروبلەماعا نەگىزدەلگەن وقىتۋ»، «حالىقارالىق تاجىريبەلەردەگى جوبالىق وقىتۋ» تاقىرىبىندا باياندامالار تىڭدالدى.
كونفەرەنسيانىڭ ەكىنشى ءبولىمى پەداگوگتەردىڭ شىعارماشىلىعىن شىڭداعان بىرلەسكەن پراكتيكالىق جۇمىس تۇرىندە جالعاستى. قاتىسۋشىلار سەمينار قورىتىندىسى بويىنشا پىكىر الىسىپ، كەلەسى شارالارعا ۇسىنىستار مەن تىلەكتەرىن، تاجىريبە تاراتۋدا نازارعا الاتىن باعىتتارىمەن ءبولىستى.