مەملەكەت باسشىسىنىڭ تاپسىرماسىن ورىنداۋ ءۇشىن پەداگوگتەردى اتتەستاتتاۋدان وتكىزۋ ءراسىمىن جەتىلدىرۋ جونىندە ءىس-شارالار قابىلداناتىن بولادى.
بۇل جايىندا ءماجىلىس دەپۋتاتتارىنىڭ ساۋالىنا ۇكىمەت باسشىسى ءاليحان سمايىلوۆتىڭ جاۋابىندا ايتىلعان. پرەمەر-مينيستر وسى ماقساتتا پەداگوگيكالىق قوعام وكىلدەرى مەن ساراپشىلار قاتارىنان جۇمىس توبى قۇرىلعانىن اتىپ ءوتتى.
ونىڭ ايتۋىنشا، جۇمىس ناتيجەلەرى بويىنشا نورماتيۆتىك-قۇقىقتىق اكتىلەرگە ءتيىستى وزگەرىستەر ەنگىزىلەتىن بولادى.
«بۇل رەتتە، اتتەستاتتاۋ پروسەسىنىڭ شىنايىلىعىن، اشىقتىعىن قامتاماسىز ەتۋ ءۇشىن پەداگوگتەردىڭ پورتفوليوسىن قاراۋ ءارتۇرلى اقپاراتتىق جۇيەلەردەن دەرەكتەر اۆتوماتتى تۇردە قالىپتاستىرىلاتىن ءبىرىڭعاي ەلەكتروندىق پلاتفورمادا جۇزەگە اسىرىلاتىن بولادى. اتتەستاتتاۋدىڭ ءاربىر كەلەسى كەزەڭىنە جىبەرۋ دە اۆتوماتتى تۇردە جۇزەگە اسىرىلاتىن»، - دەدى ءاليحان سمايىلوۆ.