بۇل تۋرالى وقۋ-اعارتۋ ءمينيسترى عاني بەيسەمبايەۆ ايتتى.
وسى باعىتتا ۇلتتىق پلاتفورما ىسكە قوسىلادى، دەپ حابارلايدى Almaty-akshamy.kz
«پەداگوگتاردى اتتەستاتتاۋ پروسەسى وزگەرەدى. اتالعان جۇيەنى اۆتوماتتاندىرۋ ءۇشىن ۇلتتىق پلاتفورما ازىرلەنۋدە. بۇل - وبەكتيۆتىلىك پەن اشىقتىقتى ايتارلىقتاي ارتتىرادى. 2024 جىلدىڭ قاڭتارىندا پلاتفورما شىعىس، باتىس، سولتۇستىك جانە تۇركىستان وبلىستارىندا پيلوتتىق رەجيمدە ىسكە قوسىلادى»، - دەدى مينيستر.
بەيسەمبايەۆ پرەزيدەنتتىڭ تاپسىرماسى قالاي ورىندالىپ جاتقانىن ايتتى.
«مەملەكەت باسشىسى قاسىم-جومارت توقايەۆ ءبىلىم سالاسىنا ءاردايىم قولداۋ كورسەتىپ، ونىڭ دامۋىنا سەرپىن بەرەتىن ناقتى مىندەتتەردى جۇكتەپ وتىر. وسى مىندەتتەردى ساپالى اتقارۋ ماقساتىندا وقۋ-اعارتۋ مينيسترلىگى: بالالاردىڭ ءبىلىم بەرۋ قىزمەتتەرىنە قولجەتىمدىلىگىن قامتاماسىز ەتۋ، كادرلىق الەۋەتتى كۇشەيتۋ، ءبىلىم بەرۋ ينفراقۇرىلىمىن دامىتۋ، ءقاۋىپسىز ورتا قالىپتاستىرۋ باعىتتارىندا جۇيەلى جۇمىستار جۇرگىزۋدە»، - دەدى ول.