اباي اتىنداعى قازۇپۋ بازاسىندا «قازاقستان رەسپۋبليكاسىندا پەداگوگيكالىق ءبىلىم بەرۋدىڭ باسەكەگە قابىلەتتىلىگىن ارتتىرۋ» تاقىرىبىندا «پەداگوگيكا عىلىمدارى» ءبىلىم بەرۋ سالاسىنداعى وقۋ-ادىستەمەلىك بىرلەستىگىنىڭ كەڭەيتىلگەن ءماجىلىسى ءوتتى.
پلەنارلىق جانە قاتار سەكسيالىق ماجىلىستەر تۇرىندە جۇرگىزىلگەن ءىس-شاراعا رەكتور دارحان ءبىلالوۆ، اكادەميالىق ماسەلەلەر جونىندەگى پرورەكتور گۇلجان جاراسوۆا، ق ر عىلىم جانە جوعارى ءبىلىم مينيسترلىگىنىڭ جانە پەداگوگيكالىق باعىتتاعى كادرلار دايارلاۋدى جۇزەگە اسىراتىن ەلىمىزدىڭ ەلۋ جوعارى وقۋ ورنىنىڭ وكىلدەرى قاتىستى، دەپ حابارلايدى Almaty-akshamy.kz .
دارحان ءبىلالوۆ ءوز سوزىندە سالالىق مينيسترلىك وكىلدەرىنىڭ قاتىسۋىمەن وتكەن ءىس-شارانىڭ ماڭىزدىلىعىنا توقتالىپ، كۇن تارتىبىندەگى قارالاتىن ماسەلەلەر ەلىمىزدىڭ ءبىلىم بەرۋ سالاسىن دامىتۋدا جانە پەداگوگ كادرلاردى دايارلاۋدا جوعارى ءرول اتقاراتىنىن اتاپ ءوتتى.
«قازاقستان رەسپۋبليكاسىندا ءبىلىم بەرۋدى دامىتۋدىڭ 2022-2026 جىلدارعا ارنالعان تۇجىرىمداماسىن جۇزەگە اسىرۋ بويىنشا پەداگوگيكالىق مىندەتتەر جۇيەلى جۇمىستى تالاپ ەتەدى. جوعارى وقۋ ورىندارىنا ءبىلىم بەرۋ ساپاسىن ارتتىرۋ جانە پەداگوگيكالىق الەۋەتتى نىعايتۋ بويىنشا جاۋاپتى مىندەتتەر جۇكتەلدى. ءبىلىم بەرۋدەگى يننوۆاسيالار، مازمۇندى جاڭارتۋ جانە بولاشاق كادرلاردىڭ باسەكەگە قابىلەتتىلىگىن ارتتىرۋ – ۋاقىت تالابى»، – دەدى.
ءىس-شارا بارىسىندا ق ر عىلىم جانە جوعارى ءبىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم كوميتەتى ءتوراعاسىنىڭ م.ا. بانۋ ناربەكوۆا 2022-2026 جىلدارعا ارنالعان ءبىلىم بەرۋدى دامىتۋ تۇجىرىمداماسىن ىسكە اسىرۋداعى رواك ءواب ءرولى، ءبىلىم بەرۋ ساپاسىن ارتتىرۋدىڭ نەگىزگى ينديكاتورلارى، تۇجىرىمدامانىڭ باعىتى، ورتا ءبىلىم بەرۋدىڭ مازمۇنى، تاربيە جۇمىسى ارقىلى قۇندىلىقتار جۇيەسىن قالىپتاستىرۋ تۋرالى كەڭىنەن توقتالدى.
پلەنارلىق ماجىلىستە ق ر ءبىلىم بەرۋدى دامىتۋدىڭ 2022-2026 جىلدارعا ارنالعان تۇجىرىمداماسىن ىسكە اسىرۋ بويىنشا پەداگوگيكالىق باعىتتاعى ءواب مىندەتتەرى، «پەداگوگيكالىق عىلىمدار» ءبىلىم بەرۋ سالاسىنداعى يننوۆاسيالىق ءبىلىم بەرۋ باعدارلامالارىن ازىرلەۋ جانە ساراپتاۋ ەرەكشەلىكتەرى، ۇلتتىق بىلىكتىلىك تەستىلەۋىندەگى وزگەرىستەر مەن يننوۆاسيالار (ۇبت) قارالدى، ۇسىنىمدار بەرىلدى.
پاراللەلدى سەكسيالىق ءماجىلىس مودەراتورلارى ق ر عجبم جوعارى ءبىلىم بەرۋدى دامىتۋ ۇلتتىق ورتالىعىنىڭ ديرەكتورى ايدوس مۇقاتايەۆ، ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ، ق ر عجبم جوعارى ءبىلىم بەرۋدى دامىتۋ ۇلتتىق ورتالىعى جوعارى ءبىلىم بەرۋ مازمۇنىن باسقارۋ ءوفيسىنىڭ باسشىسى ءامينا مۇحامبەتوۆا، اباي اتىنداعى قازۇپۋ-دىڭ اكادەميالىق ماسەلەلەر جونىندەگى پرورەكتورى گۇلجان جاراسوۆا ءبىلىم بەرۋ باعدارلامالارى ءتىزىلىمىنىڭ، «ق ر پەداگوگيكالىق الەۋەتتى كۇشەيتۋ» الەمدىك بانك جوباسى اياسىندا ازىرلەنگەن 30 جاڭا ءبىلىم بەرۋ باعدارلاماسىن تىزىلىمگە ەنگىزۋ الگوريتمى، ۇلتتىق بىلىكتىلىك تەستىلەۋ (ۇبت) جانە نورماتيۆتىك قۇقىقتىق اكتىلەردىڭ (نقا) وزەكتى ماسەلەلەرىن ءماجىلىس قاتىسۋشىلارىمەن بىرىگىپ قىزۋ تالقىلادى.