پاۆلوداردا بالالارىن تەرەزەدەن يتەرىپ جىبەرگەن ايەلدىڭ ءىسى سوتقا جولداندى، دەپ حابارلايدى Aqshamnews.kz ءتىلشىسى irbistv.kz-كە سىلتەمە جاساپ.
قىلمىستىق ءىس پاۆلودار وبلىسىنىڭ قىلمىستىق ىستەر جونىندەگى مامانداندىرىلعان مەجرايوندىق سوتىنا ءتۇستى. سوت ءىسى مەملەكەتتىك تىلدە جانە جابىق رەجيمدە قارالادى.
ەسكە سالايىق، قايعىلى وقيعا 2025 جىلدىڭ 30 شىلدەسىندە پاۆلودارداعى نۇرماگامبەتوۆا كوشەسىندە بولعان. ايەل كوپقاباتتى ءۇيدىڭ پودەزىندەگى تەرەزەدەن جاسى 1،5 جاستاعى جانە 7 جاستاعى ەكى ۇلىن يتەرىپ جىبەرىپ، ارتىنشا ءوزى دە سەكىرگەن.
وقيعادان كەيىن ەكى تاۋلىك وتكەندە كەنجە بالا كوز جۇمدى. ال اعاسىن دارىگەرلەر امان الىپ قالدى. ەكى اپتادان سوڭ ول اۋرۋحانادان شىعارىلىپ، اكەسىمەن بىرگە اۋىلعا قونىس اۋدارعان. ايەل دە ءتىرى قالىپ، تامىز ايىنىڭ سوڭىندا اۋرۋحانادان شىعارىلدى. وعان قاتىستى قىلمىستىق ءىس قوزعالدى.
قازان ايىنىڭ ورتاسىندا پوليسيا كۇدىكتى ايەلدىڭ پاۆلودار وبلىستىق پسيحيكالىق دەنساۋلىق ورتالىعىنا ماجبۇرلەپ ورنالاستىرىلعانىن حابارلاعان بولاتىن.