قىزدىڭ ۇيالى تەلەفونىن تارتىپ العىسى كەلگەن
پاۆلوداردا قىزدى كىرپىشپەن ۇرعان ەر ادام ۇستالدى، دەپ حابارلايدى Almaty-akshamy.kz ىشكى ىستەر مينيسترلىگىنە سىلتەمە جاساپ.
«پوليسيا قىزمەتكەرلەرى كۇدىكتى ەر ادامدى ۇستادى. ول پاۆلودار قالاسىنىڭ 27 جاستاعى تۇرعىنى بولىپ شىقتى. سوتقا دەيىنگى ءوندىرىستى جۇرگىزۋ بارىسىندا بۇل ەر ادامنىڭ قىزدىڭ ۇيالى تەلەفونىن تارتىپ العىسى كەلگەنى انىقتالدى. تەرگەۋ قاراقشىلىق شابۋىل فاكتىسى بويىنشا ءجۇرىپ جاتىر. كۇدىكتى پاۆلودار قالاسىنىڭ ۋاقىتشا ۇستاۋ يزولياتورىنا قامالدى»، – دەپ حابارلادى پاۆلودار وبلىسى پوليسيا دەپارتامەنتى باستىعىنىڭ ورىنباسارى راشاد وتەۋوۆ.
ەستەرىڭىزگە سالا كەتەيىك، 23 تامىزدا پاۆلودار قالاسىنىڭ ورتالىق پوليسيا بولىمىنە 20 جاستاعى پاۆلودارلىق قىز جۇگىنگەن بولاتىن.
ازاماتشا 21 تامىزدا ساعات 01:10-دا ءۇيدىڭ كىرەبەرىسىندە ءوزىن كىرپىشپەن ۇرعان بەلگىسىز ادامعا شارا قولدانۋدى سۇرادى.
وسىدان كەيىن جابىرلەنۋشىنىڭ كەش جۇگىنۋىنە قاراماستان جەدەل ىزدەستىرۋ شارالارى بارىسىندا پوليسيا كۇدىكتىنىڭ ءاتى-جونىن انىقتادى.