№11 قالالىق ەمحانادا اشىق ەسىك كۇنى وتكىزىلدى، ءىس-شارا بارىسىندا ءارتۇرلى پاتولوگيالارمەن ەسەپتە تۇرعان بالالار بىلىكتى كونسۋلتاسيالىق-دياگنوستيكالىق كومەك الدى، دەپ حابارلايدى aqshamnews.kz
س.د. اسفەندياروۆ اتىنداعى قازاق ۇلتتىق مەديسينا ۋنيۆەرسيتەتىنىڭ ماماندارى قاتىسقان شارا ماڭىزدى بولىپ تابىلادى، سەبەبى وقۋ ورنىنىڭ ماماندارى 68 قابىلداۋ وتكىزىپ، ءار بالاعا كوڭىل ءبولدى. كومانداعا مەديسينانىڭ كەڭ سپەكترىنىڭ ساراپشىلارى كىردى، اتاپ ايتساق:
• بالالار پۋلمونولوگتارى،
• رەابيليتولوگتار،
• ەندوكرينولوگتار،
• گاستروەنتەرولوگتار،
• گەماتولوگتار،
• كارديولوگتار،
• جۇقپالى اۋرۋلار بويىنشا ماماندار،
• اللەرگولوگتار،
• نيەۆروپاتولوگتار،
• پەدياترلار،
• بالالار حيرۋرگتارى.
ءاربىر كىشكەنتاي پاسيەنت قاجەتتى دياگنوستيكا مەن ودان ءارى ەمدەۋ نەمەسە الدىن الۋ بويىنشا ۇسىنىستار الدى.
كوپتەگەن اتا-انالار ءۇشىن بۇل شارا جەتەكشى مامانداردان سۇراقتارعا جاۋاپ پەن كەڭەستەر الۋعا مۇمكىندىك بولدى.
سونىمەن قاتار، اتا-انالارعا اۋرۋدىڭ الدىن الۋ جانە بالالاردىڭ دەنساۋلىعىن جاقسارتۋ بويىنشا پايدالى كەڭەستەر بەرىلدى، بۇل سوزىلمالى اۋرۋلاردىڭ ءورشۋىن ازايتۋ جانە ولاردىڭ اسقىنۋلارىنىڭ الدىن الۋدا ماڭىزدى قادام بولىپ تابىلادى.
№11 قالالىق ەمحانا بارلىق قالا تۇرعىندارىنا ساپالى مەديسينالىق قىزمەتتىڭ قولجەتىمدى بولۋى ءۇشىن وسىنداي شارالاردى جالعاستىرۋدى جوسپارلاپ وتىر.