الماتى قالاسىنىڭ اكىمى ەربولات دوسايەۆ پراۆوسلاۆ حريستياندارىن پاسحا مەرەكەسىمەن قۇتتىقتادى، دەپ حابارلايدى almaty-akshamy.kz
قۇرمەتتى الماتىلىقتار!
سىزدەردى پاسحا مەرەكەسىمەن شىن جۇرەكتەن قۇتتىقتايمىن! وسىناۋ جارقىن مەرەكەنى الماتى تۇرعىندارى دا پراۆوسلاۆ حريستياندارمەن بىرگە ءداستۇرلى تۇردە جوعارى دەڭگەيدە اتاپ وتەدى. بۇل ادامزاتتىڭ اسىل قۇندىلىقتارىنىڭ ءبىرى – بەيبىتشىلىك پەن كەلىسىمگە نەگىزدەلگەن قوعامىمىزدىڭ بىرلىگىن ەرەكشە كورسەتەتىن يگى داستۇرگە اينالدى.
پاسحا – مەيىرىمدىلىكتى، بەيبىتشىلىكتى، ادىلدىكتى دارىپتەپ، حالىقتى قايىرىمدىلىق جاساۋعا، جاقىندارىنا جاناشىر بولۋعا شاقىراتىن كيەلى مەيرام. قاسيەتتى مەرەكە ءار شاڭىراققا شاتتىق پەن قۋانىش سىيلاپ، سۇيىكتى قالامىز الماتى مەن تۋعان ەلىمىز قازاقستاننىڭ ودان ءارى وركەندەپ، دامۋى ءۇشىن جاڭا جەتىستىكتەر مەن تولايىم تابىسقا باستاسىن! بارشاڭىزعا اشىق اسپان، زور دەنساۋلىق، باق-بەرەكە تىلەيمىن! ، - دەلىنگەن اكىم قۇتتىقتاۋىندا.