2009 جىلدان بەرى قازاقستاندىق مەتالل ونىمدەرى نارىعىندا ءوز قىزمەتىن جۇزەگە اسىرىپ كەلە جاتقان الماتى قالاسىنداعى «MetalPromGroup» ونەركاسىبىندە وڭىرلەرگە جۇمىس ساپارى بارىسىندا AMANAT پارتياسىنىڭ ماجىلىسمەندەرى بەكقالي تورعايەۆ پەن ارتۋر پلاتونوۆ كەزدەسۋ وتكىزدى، دەپ حابارلايدى Almaty-akshamy.kz.
كومپانيا باسشىلىعى پارتيالىقتارعا ولاردىڭ ونىمدەرىنە مەملەكەتتىك تاپسىرىستىڭ بار ەكەنىن اتاپ ءوتۋدى ۇسىنىپ، وتاندىق وندىرۋشىلەرگە نازار اۋدارۋدى سۇرادى. ماجىلىسمەندەردىڭ پىكىرىنشە، بۇل شىن مانىسىندە قازاقستان ەكونوميكاسىنىڭ ارتۋىنا جانە ەلدىڭ ودان ءارى ەكونوميكالىق دامۋىنا ىقپال ەتەتىن بولادى. ونىڭ ۇستىنە، تۇركياعا ساپارى بارىسىندا مەملەكەت باسشىسى قاسىم-جومارت توقايەۆ قازاقستان ادال باسەكەلەستىكتى كۇشەيتۋ، جەكە مەنشىكتى قورعاۋ، ەكونوميكانى مونوپولياسىزداندىرۋ ارقىلى ەكونوميكانى ساپالى جاڭعىرتۋعا باعىت العانىن ەرەكشە اتاپ ءوتتى.
سونىمەن قاتار، پارتيالىقتار كومپانيا جۇمىسشىلارىنا كونستيتۋسياعا ەنگىزىلەتىن وزگەرىستەر مەن تولىقتىرۋلار ءوزارا بايلانىستى جانە ءبىرتۇتاس ماقساتقا – سۋپەرپرەزيدەنتتىك مودەلدەن پرەزيدەنتتىك رەسپۋبليكاعا تۇپكىلىكتى كوشۋ ءۇشىن قۇقىقتىق بازا قۇرۋعا، ءبىرقاتار بيلىك وكىلەتتىكتەرىن قايتا بولۋگە، پارلامەنتتىڭ ءرولى مەن مارتەبەسىن ارتتىرۋعا، حالىقتىڭ ەلدى باسقارۋعا قاتىسۋىن كەڭەيتۋگە جانە ازاماتتاردىڭ قۇقىقتارىن قورعاۋ تەتىكتەرىن كۇشەيتۋگە باعىتتالعانىن ايتتى.
ەستەرىڭىزگە سالساق، ق ر پارلامەنتى ءماجىلىسىنىڭ AMANAT پارتياسى دەپۋتاتتىق فراكسياسىنىڭ مۇشەلەرى قازىرگى ۋاقىتتا بارلىق وڭىرلەردىڭ تۇرعىندارىمەن كونستيتۋسيالىق رەفورمالاردىڭ قاجەتتىلىگىن ءتۇسىندىرۋ بويىنشا كەزدەسىپ جاتىر.
اقپاراتتىق ماتەريال «رەسپۋبليكالىق رەفەرەندۋم جونىندەگى» ق ر زاڭىنىڭ 7 بابى 2 تارماعى بويىنشا «AMANAT» پارتياسى قوعامدىق بىرلەستىگىنىڭ الماتى قالالىق فيليالىنىڭ تاپسىرىسىمەن شىقتى، جاۋاپتى تۇلعا م. ب. وتىنشييەۆ.