وڭتۇستىك كورەيا پارلامەنتى پرەزيدەنت يۋن سوك ولگە يمپيچمەنت جاريالاۋدى قولدادى، دەپ حابارلايدى aqshamnews.kz BBC-گە سىلتەمە جاساپ.
BBC حابارلاۋىنشا، بيلەۋشى «ازاماتتىق كۇش» پارتياسىنىڭ 204 دەپۋتاتى «جاقتاپ» داۋىس بەرگەن. بۇل – يمپيچمەنت جاريالاۋعا جاسالعان ەكىنشى ارەكەت. العاشقىسى، 7 جەلتوقساندا، پارتيانىڭ داۋىس بەرۋدى بويكوتتاۋىمەن اياقتالعان ەدى.
ەندى كونستيتۋسيالىق سوتتىڭ شەشىمىن كۇتۋ عانا قالدى. سوت يمپيچمەنتتى راستاۋى نەمەسە پرەزيدەنتتى قىزمەتىنە قايتا ورالۋىنا رۇقسات بەرۋى مۇمكىن. بۇل پروسەسس التى ايعا دەيىن سوزىلۋى ىقتيمال.
وتكەن اپتادا يۋن سوك ءول ەلدە اسكەري جاعداي ەنگىزۋگە تىرىسقان، ءبىراق بۇل ارەكەتى ءساتسىز اياقتالعان ەدى. پرەزيدەنت بولسا، بۇل شەشىمىن دۇرىس دەپ ساناپ، وزىنە تاعىلعان بۇلىككە قاتىستى ايىپتاردى تاعى ءبىر رەت جوققا شىعاردى.
ءقازىر ءبارى كونستيتۋسيالىق سوتتىڭ شەشىمىنە قاراپ تۇر. ال ازىرگە وڭتۇستىك كورەيانىڭ ساياسي ساحناسى درامالىق تارتىستار مەن كۇتپەگەن شەشىمدەرگە تولى بولىپ قالا بەرمەك.