12 مەملەكەتتىڭ وكىلدەرى ناۋرىز قۇرمەتىنە پاريجدە بەيبىتشىلىك اعاشتارىن ەكتى، دەپ حابارلايدى اlmaty-akshamy.kz «حابار 24»-كە سىلتەمە جاساپ.
ولار قازاقستان جەرىندە وسەدى. قازاقستان ەلشىلىگى ءوز اۋلاسىندا ءقادىرلى قوناقتاردى قارسى الدى. اۋعانستان، ءۇندىستان، يران، تۇركيا، پاكىستان، يراك جانە ورتالىق ازياداعى بۇكىل ەلدەردىڭ رەسمي وكىلدەرى الما اعاشتارىن ەكتى.
وسى ءىس-شارانى ۇيىمداستىرعان يۋنەسكو جانىندا قازاقستان دەلەگاسياسى وسىلايشا كوكتەمدى قارسى الۋدىڭ ەجەلگى ءداستۇرىن كورسەتتى.
بيىل ناۋرىز مەرەكەسىنىڭ قازاقستان ءۇشىن ماڭىزى ەرەكشە. ويتكەنى ءدال 30 جىل بۇرىن بۇل مەيرام ەلىمىزدە قايتا جاڭعىردى. ال بۇگىننەن باستاپ فرانسياداعى ەلشىلىگىمىزدە حالىقتار اراسىنداعى بەيبىتشىلىك پەن دوستىققا ارنالعان شاعىن ب ا ق وسەتىن بولدى.