فرانسيادا قازاق حالقىنىڭ اڭىزدارى سيفرلىق سۋرەتتەرمەن ۇسىنىلدى
پاريجدە الماتىلىق جانار ەرلان قىزىنىڭ العاشقى جەكە ەكسپوزيسياسى اشىلدى. سۋرەتشى حالقىمىزدىڭ اڭىزعا اينالعان تۇلعالارىن ەرتەگى الەمىندەگى يلليۋستراسيا ستيلىندە كورسەتكەن، دەپ حابارلايدى Almaty-akshamy.kz
ول بەلگىلى تاريحشى جانە لينگۆيست سەرىكبول قوندىبايدىڭ زەرتتەۋلەرىنەن شابىتتاناتىنىن اتاپ ءوتتى. ءار ەڭبەگىندە وتكەن تاريحىمىز بەن زاماناۋي ءومىر سالتىمىزدى ەرەكشە ۇشتاستىرا بەينەلەگەن. جەرلەسىمىزدىڭ ونەرى فرانسۋز جۇرتشىلىعىنىڭ كوڭىلىنەن شىقتى.
«كەلگەن قوناقتارعا كوبىنە ميفولوگيالىق ءبولىم وتە قاتتى ۇناعان سياقتى. ويتكەنى ءبارىمىز دە سۋرەتتەرگە قاراپ قيالداۋدى جاقسى كورەمىز. كورگىمىز كەلگەن نارسەنى بايقايمىز. كورەرمەندەرگە ىڭعايلى بولۋ ءۇشىن ءار كارتينانىڭ ءمان-ماعىناسى جازىلعان بۋكلەتتەر بار. حالىق قىزىعا كەلىپ، تانىسىپ جاتىر»، - دەيدى كورمە ۇيىمداستىرۋشىسى ءجانيا ەلۋبايەۆا.