پارفيۋمەر: اتىرگە قۇمار ايەل

شىمكەنتتە ءاتىر ۇرلاۋمەن اينالىسقان اناسى مەن قىزى ۇستالدى

شىمكەنتتە اناسى مەن قىزى سورەدەگى تاۋارلاردى مۇقيات قاراپ جۇرگەندەي كەيىپ تانىتىپ، قىمبات اتىرلەردى تەز ءارى بايقاتپاي سومكەگە سالىپ اكەتكەن، دەپ حابارلايدى almaty-akshamy.kz Polisia.kz سايتىنا سىلتەمە جاساپ.

ءال-فارابي اۋداندىق پوليسيا باسقارماسىنا قالاداعى ساۋدا ورتالىقتارىنىڭ بىرىندە ورنالاسقان كوسمەتيكا دۇكەنىنەن پارفيۋمەريا ۇرلانعانى تۋرالى حابارلاما جەتكەن.

ارىزدانۋشى ەكى ادامنىڭ ساۋدا ورنىنان پارفيۋمەريا ونىمدەرىن جاسىرىن تۇردە الىپ كەتكەنىن كورسەتتى. سونداي-اق ولار بۇعان دەيىن دە ءۇش رەت وسى دۇكەنگە كەلىپ ۇرلىق جاساعان. 

كريمينالدىق پوليسيا قىزمەتكەرلەرى بەينەباقىلاۋ كامەرالارىنىڭ جازبالارىن تەكسەرىپ، قىلمىسقا قاتىسى بار ادامداردى انىقتادى. ولار جەرگىلىكتى تۇرعىندار – اناسى مەن قىزى بولىپ شىقتى.

ولار سورەدەگى تاۋارلاردى مۇقيات قاراپ جۇرگەندەي كەيىپ تانىتىپ، قىمبات اتىرلەردى تەز ءارى بايقاتپاي سومكەگە سالىپ، ارتىنشا ساۋدا نۇكتەسىنەن كەتۋگە اسىققان.

قازىرگى تاڭدا، پوليسەيلەر ق ر قىلمىستىق كودەكسىنىڭ 188-بابى ("ۇرلىق") بويىنشا تەرگەۋ جۇرگىزىپ جاتىر. تەرگەۋ امالدارى اياقتالعان سوڭ قىلمىستىق ءىس پروسەسسۋالدىق شەشىم قابىلداۋ ءۇشىن سوتقا جولدانادى.