وسىدان ءبىر اي بۇرىن كورەرمەنگە جول جارتقان «پاراليمپيداشى» ءفيلمىنىڭ كاسساسى 44 ملن تەڭگەگە جەتتى. پاراشاڭعىشى الەكساندر كولياديننىڭ جەڭىس جولىن سۋرەتتەيتىن ءفيلمدى رەجيسسەر الديار بايراقىموۆ تۇسىرگەن ەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ايتا كەتەرلىگى، ۇلتتىق كينونى قولداۋ مەملەكەتتىك ورتالىعىنىڭ قارجىلداندىرۋىمەن بيىل «پاراليپياداشى» فيلمىنەن بولەك «العا»، «1941 جىلدىڭ جازى»، «اقىن»، «سىزبا»، «پاتريوتتار ۋاقىتى» سىندى تۋىندىلار دا كورەرمەن نازارىنا ۇسىنىلعان بولاتىن.
«ولاردىڭ قورىتىندىسىن شىعارۋعا ءالى ەرتە. كەيبىر پروكات ءالى اياقتالعان جوق، ستريمينگتىك پلاتفورمالاردا كورسەتىلىپ جاتقاندارى دا بار. كەڭ پروكاتقا شىققانداردىڭ ىشىندە تۇسكەن قاراجاتى بويىنشا «پاراليمپياداشى» ءفيلمى كوش باستاپ كەلەدى. 18 مامىرداعى دەرەككە سايكەس، ونىڭ كورسەتىلىمىنەن تۇسكەن قاراجات 44 ملن تەڭگەگە جەتتى»، دەلىنگەن اتالعان ورتالىقتىڭ قازاقپاراتتىڭ رەسمي ساۋالىنا بەرگەن جاۋابىندا.
ايتا كەتەيىك، «پاراليمپياداشى» ءفيلمى وتانداسىمىز پاراشاڭعىشى الەكساندر كولياديننىڭ شىنايى ومىرىنە، سپورت جولىنا ارنالعان. بالا كەزىنەن وليمپيادا چەمپيونى اتانۋدى ارمانداعان سپورتشى بىردە كولىك اپاتىنا ءتۇسىپ، ەكى اياعىنان ايىرىلادى. وسىدان كەيىن ۇزاق ۋاقىت كۇيزەلىسكە تۇسكەن سپورتشىعا ءوز كۇشىن پاراليمپيادا ويىندارىندا سىناپ كورۋ ۇسىنىلادى. ۇلكەن سپورتقا ورالعاننان كەيىن ول 2018 جىلى ءپحونچحاندا وتكەن قىسقى پاراليمپيادا ويىندارىنا قاتىسىپ، 1،5 شاقىرىمدىق سپرينتتە التىن مەدال الدى.