تورتكۇل دۇنيەنى تىك تۇرعىزىپ، تەلەديدارعا تەلمىرتكەن 4 جىلدىقتىڭ باستى باسەكەسى دە ءوز مارەسىنە جەتتى.
تاعى ءبىر ەسكە سالا كەتەيىك، پاريجدە وتكەن XXXIII وليمپيادادا ەلىمىزدىڭ سپورتشىلارى 1 التىن، 3 كۇمىس، 3 قولا جۇلدە ولجالاپ، كوماندالىق ەسەپتە 43ء-شى ورىندى يەلەندى. ەندى الدا پاراليمپيادا ويىندارى جالاۋىن جەلبىرەتەدى. ەرەكشە جاندار اراسىنداعى دودا 28 تامىز بەن 8 قىركۇيەك ارالىعىندا وتەدى دەپ جوسپارلانعان. قازاقستان قورجىنىندا سپورتتىڭ 9 تۇرىنەن 33 ليسەنزيا بار.
اتاپ ايتار بولساق، پارا دزيۋدودان 10، پاۋەرليفتينگتەن 5، پارا جەڭىل اتلەتيكا، ءجۇزۋ جانە تاەكۆوندودان تورتەۋدەن بار. ال پارا كانوە مەن وق اتۋدان 2 ليسەنزيادان، ال وتىرىپ وينايتىن ۆولەيبول مەن ۇستەل تەننيسىنەن ءبىر-بىر جولدامادان بار. ايتا كەتۋ كەرەك، توكيو-2020 پاراليمپياداسىنا قازاقستان ۇلتتىق قۇراماسىنىڭ 25 سپورتشىسى قاتىسىپ، 5 مەدال، ياعني 1 التىن، 3 كۇمىس جانە 1 قولا مەدال جەڭىپ الدى. ناتيجەسىندە ەلىمىز جالپىكوماندالىق ەسەپتە 48ء-شى ورىننان كورىندى.