ەندى قازاقستاندىق سپورتشىلار 11، 12، 13 ناۋرىز كۇندەرى ايتۋلى الاماندا ب ا ق سىنايدى
جۇڭگو استاناسى بەيجىڭ قالاسىندا 2022 جىلعى XIII قىسقى پاراليمپيادا ويىندارىندا پارا بياتلوننان تۇرەگەپ سىرعاناۋدا الەكساندر گەرليس قولا جۇلدەگەر اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق سپورتشى پارابياتلوننان 10 شاقىرىمعا تۇرەگەپ سىرعاناۋدا جارىس جولىنا شىقتى. ول ەلىمىزدىڭ اتىنان اتالعان سايىستا ب ا ق سىناعان جالعىز سپورتشى بولاتىن.
الەكساندر گەرليس مارە سىزىعىن ءۇشىنشى بولىپ قيدى. ول جارىس جەڭىمپازى اتانعان كانادالىق مارك ارەندزدەن 1:25.6-كە قالىپ قويدى. كۇمىس جۇلدەنى ۋكراينالىق گريگوريي ۆوۆچينسكيي الدى.
ايتا كەتسەك، بۇل مەدال - بيىلعى قىسقى پاراليمپيادادا قازاقستاندىق سپورتشىلاردىڭ العاشقى جۇلدەسى.
سونداي-اق، بۇگىن پارا بياتلوننان وتىرىپ سىرعاناۋدا سەرگەي ۋسولسيەۆ 14، ەربول حاميتوۆ 16-ورىن الدى.
ەسكە سالساق، XIII قىسقى پاراليمپيادا ويىندارىندا قازاقستان اتىنان سەرگەي ۋسولسيەۆ پەن الەكساندر گەرليستەن وزگە ەربول حاميتوۆ، دەنيس پەترەنكو مەن يۋريي بەرەزين ەل نامىسىن قورعايدى.
ەندى قازاقستاندىق سپورتشىلار 11، 12، 13 ناۋرىز كۇندەرى ايتۋلى الاماندا ب ا ق سىنايدى.
قازاقستان سپورتشىلارى پاراليمپيادا ويىندارىنا 1994 جىلدان بەرى تۇراقتى تۇردە قاتىسىپ كەلەدى.
بۇگىنگى كۇنگە دەيىن ەل قورجىنىنا 1 التىن، 1 كۇمىس مەدال ءتۇستى. 1994 جىلى 10 شاقىرىمعا كلاسسيكالىق مانەردە شاڭعى جارىسىندا قازاقستاندىق ليۋبوۆ ۆوروبيەۆا «كۇمىس» السا، 2018 جىلى شاڭعىمەن جارىستا الەكساندر كوليادين 1،5 شاقىرىمعا كلاسسيكالىق مانەردە سپرينت جارىسىندا چەمپيون اتاندى.
قىسقى پاراليمپيادا 4 جانە 13 ناۋرىز ارالىعىندا وتكىزىلەدى. وندا الەمنىڭ 50 مەملەكەتىنەن كەلگەن 700-گە تارتا سپورتشى ب ا ق سىناۋدا. قازاقستان اتىنان بارعان 5 پاراسپورتشى سپورتتىڭ ەكى تۇرىنەن جارىسقا قاتىسۋدا.