ويىنداردىڭ سوڭعى كۇنى اشىق جانە ارالاس ەستافەتامەن اياقتالادى
بەيجىڭدەگى پاراليمپيادا ويىندارىنىڭ سوڭعى كۇنىندە پاراحوككەيدەن، شاڭعى جارىسىنان (ەستافەتا) جانە تاۋ شاڭعىسى سپورتىنان (سلالوم) فينالدىق كەزەڭدەر وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ويىنداردىڭ سوڭعى كۇنى اشىق جانە ارالاس ەستافەتامەن اياقتالادى. جارىستار حەبەي پروۆينسياسىنىڭ چجانسزياكوۋ تاۋ شاڭعى كۋرورتىندا وتەدى. قازاقستاندىق سپورتشىلار 4×2،5 ارالاس ەستافەتاسىندا ونەر كورسەتەدى.
سونداي-اق بەيجىڭدە اقش پەن كانادا قۇرامالارى پاراحوككەيدە چەمپيوندىق تيتۋل ءۇشىن تالاسادى.
ال پاراتاۋشاڭعىسىنان جارىستار سلالومنان ايەلدەر اراسىنداعى باسەكەمەن اياقتالادى. جارىستار ەل استاناسىنىڭ يانسين اۋدانىندا وتەدى.
بۇگىن، جەكسەنبى كۇنى «قۇس ۇياسى» ۇلتتىق سپورت ستاديونىندا XIII پاراليمپيادا ويىندارىنىڭ جابىلۋ سالتاناتى بولادى.
سەگىزىگنشى جارىس كۇنىنىڭ قورىتىندىسى بويىنشا: ءبىرىنشى ورىندا 59 مەدالمەن جۇڭگو تۇر (18 التىن، 18 كۇمىس جانە 23 قولا مەدال). ەكىنشى ورىندا ۋكراينا قۇراماسى ورنالاسقان (10-10-8)، ءۇشىنشى ورىندا – كانادا (8-5-10). قازاقستان قۇراماسى 1 قولا مەدالمەن اۆتراليا جانە شۆەيساريامەن بىرگە 17-19 ورىنداردى ءبولىسىپ وتىر.