بەيرۋت قالاسىندا 9-10 قىركۇيەك ارالىعىندا پارا تاەكۆوندودان اشىق ازيا چەمپيوناتى ءوتتى. جارىسقا 14 مەملەكەتتەن 70-تەن استام سپورتشى قاتىستى.
قازاقستاندىق سپورتشىلار چەمپيوناتتا 1 «التىن» جانە 4 «قولا» مەدالدى ەنشىلەدى. اتاپ ايتقاندا ساليمگەرەيەۆا ماريام (-65 كگ) التىننان القا تاقتى. ال دومبايەۆ نۇرلان (-80 كگ)، ءومىرالى نىشان (+80 كگ)، كۋشەربايەۆ باۋىرجان (-63)، گاريپوللايەۆ اليشەر (+80 كگ) قولا مەدالدى مىسە تۇتتى، دەپ حابارلايدى Almaty-akshamy.kz.
سونداي-اق، جالپى كوماندالىق ەسەپتە قازاقستان قۇراماسى 3ء-شى ورىن السا، 1ء-شى ورىنعا يران، 2ء-شى ورىنعا وزبەكستان ەلدەرى يە بولدى.
«ليۆاندا وتكەن اشىق ازيا چەمپيونات رەيتينگتىك جارىستاردىڭ ءبىرى بولىپ كەلەدى. جارىستا سپورتشىلار ءوز شەبەرلىكتەرىن جاقسى كورسەتە ءبىلدى. وسىنداي دارەجەدەگى جارىستا ورىن الۋ ۇلكەن جەتىستىك. قازىرگى تاڭدا نۇرلان الەمدىك رەيتينگتە 2 ورىندا بولسا، نىشان 5 ورىندا، باۋىرجان مەن اليشەر 9 ورىندا تۇر. ال، ماريام ۇزدىك 20-دان كورىنۋدە»، - دەدى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ كوماندا باسشىسى ەرلان سۋەۋوۆ.