سەنەگالدا جويىلىپ بارا جاتقان تەڭىز تاسباقالارىنا پاندەميانىڭ «پايداسى» ءتيدى دەپ حابارلايدى almaty-akshamy.kz
جەرگىلىكتى ەكولوگتار وسىلاي دەپ وتىر. ويتكەنى كەيىنگى ءبىر جىلدا باۋىرىمەن جورعالاۋشىلاردىڭ سانى ارتقان. مامانداردىڭ تۇسىندىرۋىنشە، بۇعان كوروناۆيرۋسقا قاتىستى شەكتەۋلەرگە بايلانىستى جاعاجايدا تۋريستەردىڭ ازايۋى سەبەپ بولعان.
ايتا كەتكەن ءجون، كەيىنگى جىلدارى سەنەگالدا تەڭىز تاسباقالارىنىڭ سانى كۇرت ازايىپ كەتكەن. بۇل نەگىزىنەن بالىق اۋلاۋ، تۋريزم جانە قۇرىلىس جۇمىستارىنىڭ قارقىندى جۇرگىزىلۋىنە بايلانىستى.
– شەكارالار جابىق بولدى. سونىڭ سالدارىنان قوناق ءۇي مەن جاعاجايدا دەمالۋشىلار ازايدى. سوندىقتان تاسباقالار كوپتەپ سۋ جاعاسىنا جۇمىرتقا سالا باستادى. ءبىز بۇل جاعدايدى وتكەن جىلدان بەرى بايقاپ وتىرمىز - دەيدى تەڭىز قورىعىنىڭ وكىلى ساليۋ مبودجي.