كۋمبرە-ۆەحا جانارتاۋى ەكى جارىم ايدان بەرى اتقىلاپ كەلەدى
يسپانيانىڭ پالما ارالىنداعى كۋمبرە-ۆەحا جانارتاۋىنان اققان لاۆا اعىنى تاسجولدى كەسىپ ءوتىپ، ارالدىڭ قالعان بولىگىنەن سالىستىرمالى تۇردە ءقاۋىپسىز دەپ سانالاتىن ايماقتى وقشاۋلاپ تاستادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Euronewsء-تىڭ مالىمەتىنشە، كۋمبرە-ۆەحا جانارتاۋى ەكى جارىم ايدان بەرى اتقىلاپ كەلەدى. وسى ۋاقىت ىشىندە لاۆا 1 100 گەكتار اۋماقتى ورتەپ، 2 800 عيماراتقا ءبىرازىن جويىپ، ءبىرازىنا زاقىم كەلتىردى.
عالىمداردىڭ ايتۋىنشا، جانارتاۋ ءقازىر «ۋاقىتشا بەلسەندى» كەزەڭىندە. ءقازىر تىنىشتالعانىمەن، كەيدە لاۆا اعىپ مەن كۇل اتقىلاپ تۇرادى. ەۆاكۋاسيا كەزىندە كوپتەگەن مىسىق ارالدا قالىپ قويعان بولاتىن. ەندى ولار تاماق ىزدەپ ءجۇر.
ەسكە سالايىق، يسپانيانىڭ پالما ارالىندا (كانار ارالدارى اۆتونومدى قاۋىمداستىعى) قىركۇيەك ايىنىڭ سوڭىندا بىرنەشە جەر سىلكىنىسىنەن كەيىن جانارتاۋ ويانعان ەدى.