اپاتقا اۆتوبۋس جۇرگىزۋشىسىنىڭ ۇيىقتاپ كەتۋى سەبەپ بولۋى مۇمكىن.
پاكىستاننىڭ وڭتۇستىك-باتىسىنداعى بەلۋدجيستان پروۆينسياسىندا اۆتوبۋس اپاتقا ۇشىراپ، 41 ادام قازا تاپتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الەمدىك اقپارات اگەنتتىكتەرىنىڭ ۇكىمەت وكىلدەرىنە سىلتەمە جاساپ حابارلاۋىنشا، اۆتوبۋس كوپىردىڭ تىرەۋىشىنە سوعىلىپ، جىراعا قۇلاعان جانە ورتەنگەن.
اپات ورنىنا بارعان بەلۋدجيستان پروۆينسياسىنداعى لاسبەلا وكرۋگى اكىمشىلىگى باسشىلىعىنىڭ وكىلى قازا تاپقانداردىڭ كوبىن تانۋ مۇمكىن ەمەستىگىن، ول دنق تالداۋى ارقىلى انىقتالاتىنىن جەتكىزدى.
اۆتوبۋستا 48 ادام بولعان. ول پروۆينسيانىڭ اكىمشىلىك ورتالىعى – كۆەتتا قالاسى مەن پاكىستاننىڭ وڭتۇستىگىندەگى كاراچي پورتتى قالاسى اراسىندا ءجۇرىپ بارا جاتقان. بيلىك مالىمەتىنە سايكەس، 3 ادام قۇتقارىلعان.
لاسبەلا وكرۋگى اكىمشىلىگى وكىلىنىڭ ايتۋىنشا، اپاتقا اۆتوبۋس جۇرگىزۋشىسىنىڭ ۇيىقتاپ كەتۋى سەبەپ بولۋى مۇمكىن.
بۇعان دەيىن پاكىستاننىڭ حايبەر-پاحتۋنحۆا پروۆينسياسىندا كەمە اۋدارىلىپ، 10 وقۋشىنىڭ سۋعا باتىپ كەتكەنى حابارلانعان ەدى.