ەلدوس، قالا تۇرعىنى: – مەنىڭ كولىگىم شەتەلدىك. مەن ونى سەنىمحات ارقىلى جۇرگىزىپ ءجۇرمىن. ماعان ساقتاندىرۋ شارتىن جاساۋ كەرەك پە؟ جاساماعان جاعدايدا ايىپپۇل سالىنا ما؟
– ەلگە شەت ەلدەردەن كولىك كىرگىزىپ، ونى سەنىمحات ارقىلى جۇرگىزىپ جۇرگەندەر كوبىنەسە ساقتاندىرۋ شارتىن جاساۋ كولىك يەسىنە عانا كەرەك دەپ ويلايتىن كورىنەدى.
ەگەر جالدامالى جۇرگىزۋشىلەرگە نەمەسە كولىكتىڭ يەسى ونى جۇرگىزۋگە رۇقسات بەرىپ، ءوزى جانىندا وتىراتىن بولسا، ساقتاندىرۋ شارتىن جاساۋدىڭ نە ساقتاندىرۋ ءپوليسىن الۋدىڭ قاجەتى جوق. تەك تەحنيكانىڭ يەسىندە عانا ساقتاندىرۋ بولۋى كەرەك. ال سەنىمحات ارقىلى جۇرگىزەتىندەر نە ىستەيدى؟ جوعارىدا اتالعان ساقتاندىرۋ تۋرالى زاڭدا «كولiك قۇرالىنىڭ يەسi – كولiك قۇرالىن مەنشiك قۇقىعىمەن، شارۋاشىلىق جۇرگiزۋ قۇقىعىمەن نەمەسە جەدەل باسقارۋ قۇقىعىمەن نە كەز كەلگەن باسقا دا زاڭدى نەگiزدە (ءمۇلiكتiك جالداۋ شارتىمەن، قۇزىرەتتi ورگاننىڭ كولiك قۇرالىن بەرۋ تۋرالى وكiمiنە وراي جانە باسقاشا) يەلەنەتiن جەكە نەمەسە زاڭدى تۇلعا» دەپ جازىلعان. مۇنداعى باسقا دا زاڭدى نەگىز دەگەنىمىز سەنىمحات راسىمدەۋ بولىپ سانالادى.
سوندىقتان كولىككە سەنىمحات (قاي ەلدە بەرىلگەنى ماڭىزدى ەمەس) ارقىلى يەلىك ەتكەن ازاماتتارعا ساقتاندىرۋسىز كولىك باسقارۋعا، ناقتىراق ايتساق، زاڭ بويىنشا ساقتاندىرۋسىز كولىكتى «جولمەن، سونداي-اق ولارعا ىرگەلەس سالىنعان جانە كولiك قۇرالدارىنىڭ قوزعالىسىنا پايدالانىلاتىن اۋماقتاردا ءجۇرۋ ءۇشiن پايدالانۋعا بولمايدى».
اكىمشىلىك كودەكستىڭ 230-بابى، 2-تارماعى بويىنشا قازاقستان رەسپۋبليكاسىنىڭ مىندەتتى ساقتاندىرۋ تۋرالى زاڭنامالىق اكتىسىنە سايكەس مىندەتتى ساقتاندىرۋ شارتىن جاساسۋعا مىندەتتى تۇلعانىڭ مىندەتتى ساقتاندىرۋ شارتىن جاساسپاۋى جەكە تۇلعالارعا – 10، لاۋازىمدى ادامدارعا، جەكە نوتاريۋستارعا، جەكە سوت ورىنداۋشىلارىنا، شاعىن كاسiپكەرلiك سۋبەكتiلەرiنە نەمەسە كوممەرسيالىق ەمەس ۇيىمدارعا – 160، ورتا كاسiپكەرلiك سۋبەكتiلەرiنە – 400، ءىرى كاسiپكەرلiك سۋبەكتiلەرiنە 1000 ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى. پوليسەيلەر بۇل زاڭدى بۇزعانداردىڭ كولىگىن ايىپ تۇراعىنا جىبەرۋگە قۇقىلى.