الماتىدا جۇرگىزىلگەن ورتالىقسىزداندىرۋدىڭ اياسىندا الاتاۋ اۋدانىنىڭ بيۋدجەتى 3،7 ەسە ۇلعايىپ، شتات سانى 20 ادامعا كوبەيدى. مۇنداي ەلەۋلى قولداۋ اۋدان اكىمىنە ەڭ وزەكتى پروبلەمالاردى ساپالى ءارى جەدەل شەشۋگە مۇمكىندىك بەرەدى، دەپ حابارلايدى اlmaty-akshamy.kz.
الماتى يندۋستريالىق ايماعىن دامىتۋ جانە بيزنەستى قولداۋ ءۇشىن قابىلدانعان شارالاردىڭ ارقاسىندا جالپى اۋدان ەكونوميكاسى وڭ ديناميكانى كورسەتىپ، قالانىڭ ەكونوميكالىق كورسەتكىشتەرىنىڭ جاقسارۋىنا ەلەۋلى ۇلەس قوسۋدا. 2023 جىلدىڭ ءى توقسانىندا ونەركاسىپتىك ءوندىرىس كولەمى 32،8%-كە، ينۆەستيسيالار 73،2%-كە ءوستى.
بيىلدان باستاپ جولدى اعىمداعى جوندەۋ جۇمىستارىن اۋدان اكىمدىكتەرى جۇرگىزەتىن بولادى. الاتاۋ اۋدانىنىڭ بارلىق شاعىناۋداندارى بويىنشا 60 كوشەدە 23 مىڭ شارشى مەتر جولدى جوندەۋ جوسپارلانعان. بيىل جوندەۋ جۇمىستارىن جۇرگىزۋگە 250 ملن. تەڭگە ءبولىندى. جۇمىستاردى قاراشا ايىندا اياقتاۋ كوزدەلىپ وتىر.
سونىمەن قاتار قالالىق موبيلدىلىك باسقارماسى مامىر ايىندا 12 شاعىناۋداندا ۇزىندىعى 60 شاقىرىم بولاتىن 79 كوشەنى قامتيتىن ورتاشا جوندەۋدى جۇرگىزىلەدى.