وزبەكستان رەسپۋبليكاسى ەلىمزدەگى سۋ تاسقىنىنان زارداپ شەككەن وڭىرلەرگە گۋمانيتارلىق كومەك جىبەردى
800-گە جۋىق قايىق، 80 تونناداي استىق ونىمدەرى، 25 مىڭ ليتر سۇيىق ماي، كونسەرۆىلەرمەن 1000 ادامعا ارنالعان توسەك جابدىقتارى ودان بولەك ءتۇرلى كەرەكتى زاتتار تيەلگەن 15 جۇك كولىگى بۇگىن قاراعاندى وبلىسىنا جەتتى، دەپ حابارلايدى اlmaty-akshamy.kz. وزبەكستان رەسپۋبليكاسى پرەزيدەنتىنىڭ كەڭەسشىسى تۋرسۋنپۋلات حۋدايبەرگەنوۆ قاراعاندى قالاسىنا ارنايى كەلىپ، باۋىرلاس ەلدىڭ ىزگى نيەتىن جەتكىزدى. ەندى اتالعان كومەك سۋ تاسقىنى ءجۇرىپ جاتقان وبلىستارعا جونەلتىلەتىن بولادى.
بوبۋر ۋسمانوۆ، وزبەكستان رەسپۋبليكاسى سىرتقى ىستەر ءمينيسترىنىڭ ورىنباسارى:
بۇل ەكى ەلدىڭ دوستىعىن ودان اسا نىعايتا تۇسەدى دەپ ويلايمىن. ءبىر بىرىمىزگە وسىلاي كومەك بەرىپ، قيىن كەزدە قولداۋ كورسەتۋ ارا قاتىناسىمىزدى جاقسارتارى ءسوزسىز. ءبىز ناقتى كەرەك دەگەن زاتتاردى جيناپ، الىپ كەلدىك. وزبەك ەلى ءارقاشان كومەك بەرۋگە دايىن.