وزبەكستاندا قازاق كينوسىنىڭ كۇندەرى باستالدى

بۇل جولى وتاندىق رەجيسسەرلەر 2 بىردەي تۋىندىنى قالىڭ كورەرمەن نازارىنا ۇسىنادى.

العاشقىسى شىنايى وقيعا جەلىسىنە نەگىزدەلگەن «پاراليمپياداشى» ءفيلمى. ونى جاس ءارى تالانتتى رەجيسسەر الديار بايراقىموۆ تۇسىرگەن، دەپ حابارلايدى Almaty-akshamy.kz 24.kz-كە سىلتەمە جاساپ.  

بۇعان دەيىن كارتينا ەل ىشىندە كورسەتىلىپ، كوپشىلىكتىڭ وڭ باعاسىن الدى. دراماعا تولى شىعارما 2018 جىلى شاڭعىدان پاراليمپيادا چەمپيونى اتانعان الەكساندر كولياديننىڭ عۇمىر جولىن بايان ەتەدى. مۇمكىندىگى شەكتەۋلى جاندارعا دەگەن قوعامداعى كەي تەرىس كوزقاراس سۋرەتتەلەدى.

ەكىنشى فيلم «وت» دەپ اتالادى. ونى اۆتورلار الداعى كۇندەرى قوقان قالاسىندا كورسەتۋدى جوسپارلاپ وتىر. جالپى، تاشكەنت فەستيۆالىنە الەمنىڭ تۇكپىر-تۇكپىرىنەن بەلگىلى كينوگەرلەر قاتىسىپ جاتىر. سونىڭ ىشىندە قازاقستاندىق قانا ەمەس، گولليۆۋد، رەسەي جانە تۇرىك اكتورلەرى دە بار.

«1 اپتا بويى قازاقستان، رەسەي، قىرعىزستان، تۇرىكمەنستان، ەۋروپا، اقش جانە جاپونيا فيلمدەرى كورسەتىلەدى. ۇسىنىلىپ جاتقان تۋىندىلار كوپ. بۇل جولى ءبىز شارانى كونكۋرستىق نەگىزدە ۇيىمداستىرۋدى ءجون كورمەدىك. بارلىعىنا تەڭ دارەجەدە قارايمىز. دەگەنمەن جاس رەجيسسەرلار اراسىندا شاعىن بايگە تىگىلەدى»، - دەيدى «وزبەكفيلم» كينوكونسەرنىنىڭ ديرەكتورى ءباحادۇر ءادىلوۆ.