كونستيتۋسيانىڭ تاعدىرى جالپىحالىقتىق رەفەرەندۋمدا شەشىلمەك.
قازاقستانعا كورشى وزبەكستاندا ەلدىڭ كونستيتۋسياسىنا وزگەرىستەر ەنگىزۋ تۋرالى زاڭ جوباسى رەفەرەندۋمعا شىعارىلادى. قۇجات «حالىق ءسوزى» گازەتىندە جاريالاندى، دەپ حابارلايدى Almaty-akshamy.kz Inbusiness.kz سىلتەمە جاساپ.
قازىرگى وزبەكستان كونستيتۋسياسىنىڭ 90-بابىنا سايكەس، پرەزيدەنتتىڭ وكىلەتتىلىگى - 5 جىل. ءارى 1 ادام 2 رەتتەن ارتىق بۇل لاۋازىمعا سايلانا المايدى.
رەفەرەندۋمدا تالقىعا ۇسىنىلعان زاڭ جوباسى قابىلدانسا، پرەزيدەنتتىڭ مەرزىمى 7 جىلعا دەيىن ۇزارتىلادى.
سونداي-اق وزبەكستاننىڭ اتا زاڭىندا ءولىم جازاسىنا تىيىم سالىنعانى دا جازىلماق. بۇل وزگەرىستەر مەن تولىقتىرۋلاردى، وزبەكستاندىقتار شىلدەنىڭ 4-نە دەيىن تالقىلايدى، كەيىن جاڭا كونستيتۋسيانىڭ تاعدىرى جالپىحالىقتىق رەفەرەندۋمدا شەشىلمەك.