وزبەكستاندا ەلەكتروموبيلدەر شىعارىلادى

50 زاريادتاۋ ستانسياسى بار

وزبەكستان پرەزيدەنتى شاۆكات ميرزيويەۆ الداعى ەكى جىلدا ەلەكتروموبيلدەردىڭ تانىمال ۇلگىلەرىن شىعارۋدى جولعا قويىپ، سەرۆيستىك ينفراقۇرىلىمدى كەڭەيتۋدى تاپسىردى، دەپ حابارلايدى Almaty-akshamy.kz وزبەكستان پرەزيدەنتىنىڭ باسپا ءسوز قىزمەتىنە سىلتەمە جاساپ.
وزبەكستان باسشىسى ەلەكتروموبيل ونەركاسىبىن دامىتۋ جوبالارىمەن تانىسۋ بارىسىندا تانىمال ۇلگىلەردى شىعارۋ جولىندا تاجىريبەسى بار شەتەلدىك كومپانيامەن بىرلەسكەن كاسىپورىن قۇرۋ قاجەت ەكەنىن اتاپ ءوتتى.
سونىمەن قاتار، ەلەكتر توعىنان قۋات الىپ جۇرەتىن كولىكتەر ءتيىستى ينفراقۇرىلىمنىڭ بولۋىن تالاپ ەتەتىنى اتاپ ءوتىلدى. ءقازىر ەلدە بار بولعانى 50 زاريادتاۋ ستانسياسى بار. ولار نەگىزىنەن تاشكەنت پەن سامارقاندا ورنالاسقان. ەلەكترمەن جۇرەتىن كولىكتەرگە قىزمەت كورسەتۋ ورتالىقتارى جوق.
وسىعان بايلانىستى، الداعى ەكى جىلدا كولىك تۇراقتارى، جانار-جاعارماي قۇيۋ ستانسيالارى مەن كۇرە جولداردا 2 مىڭ زاريادتاۋ ستانسياسىن ورناتۋ مىندەتى قويىلدى.
بۇل ستانسيالار جەر سالىعى، مۇلىك جانە پايدا سالىعىن جەڭىلدەتەدى. زاريادتاۋ ستانسيالارى بار كاسىپكەرلەر ەلەكتر ەنەرگياسىن ەركىن باعامەن ساتا الادى.