وزبەكستاندا بالالاردىڭ ولىمىنە سەبەپ بولعان «دوك-1 ماكس» پرەپاراتىنىڭ ەلىمىزدە ساتىلمايدى
«دوك-1 ماكس» قازاقستان رەسپۋبليكاسىنىڭ اۋماعىندا تىركەلمەگەن. سوعان وراي ساتىلمايدى. قر-داعى ءىرى ءدارىحانا جەلىلەرى مەن دارىلىك زاتتار ديستريبيۋتورلارىنىڭ رەسمي دەرەكتەرى بويىنشا بۇل پرەپارات جوق جانە رەسپۋبليكا بويىنشا ساتىلمايدى دەپ رەسمي مالىمدەيمىز»، - دەپ اتاپ وتەدى كوميتەتتەن.
ەلىمىزدىڭ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنە سايكەس، دارىلىك زاتتاردىڭ ساپاسىن باقىلاۋ جۇيەسى ولاردىڭ ومىرلىك سيكلىنىڭ بارلىق كەزەڭدەرىندە ىسكە اسىرىلادى. دارىلىك زاتتاردىڭ ساپاسى مەن قاۋىپسىزدىگىن رەتتەۋدىڭ نەگىزگى ەلەمەنتى – مەملەكەتتىك تىركەۋ. وعان دەيىن ولاردىڭ تيىمدىلىگىن، قاۋىپسىزدىگى مەن ساپاسىن كەشەندى باعالاۋ جۇرگىزىلەدى. ونسىز دارىلىك زات نارىققا جىبەرىلمەيدى. قازاقستاندا تىركەلەر الدىندا دارىلىك زاتتار مەن ولاردىڭ قۇرامىنا كىرەتىن بەلسەندى جانە قوسالقى زاتتار، ءبۋىپ-تۇيۋ ماتەريالدارى ساپاسىنا مۇقيات تەكسەرىلەدى.
«سوڭعى 4 جىلدا ءار ءتۇرلى وندىرۋشىلەردىڭ قۇرامىندا ەتيلەنگليكولدىڭ قوسىمشا قۇرامى جوعارى بولعان 10 دارىلىك پرەپاراتىن تىركەۋدەن باس تارتىلدى جانە ەل نارىعىنا جىبەرىلمەدى. «دوك-1 ماكس رەسپۋبليكا بويىنشا انىقتالعان جاعدايدا زاڭناماعا سايكەس ءىس-شارالار قابىلداناتىن بولادى»، - دەدى ۆەدومستۆودان.
ەستەرىڭىزگە سالا كەتەيىك، بۇعان دەيىن دۇنيەجۇزىلىك دەنساۋلىق ساقتاۋ ۇيىم COLD OUT جانە NATURCOLD جوتەلگە قارسى ءۇندى سيروپتارىنىڭ قاۋىپتىلىگى تۋرالى ەسكەرتكەن بولاتىن.
بۇل دارىلىك زاتتار قازاقستاندا تىركەلمەگەن، كوتەرمە جانە بولشەك ساۋدا سەگمەنتىندە ساتىلمايدى.