وزبەكستاندا بالالاردى ەرىكتى تۇردە ۆاكسينالاۋدىڭ العاشقى ايىندا 12-18 جاسقا دەيىنگى 170 مىڭنان استام ءجاسوسپىرىم كوروناۆيرۋسقا قارسى ەكپە الدى، دەپ حابارلايدى almaty-akshamy.kz قازاقپاراتقا سىلتەمە جاساپ.
وزبەكستان رەسپۋبليكاسى دەنساۋلىق ساقتاۋ مينيسترلىگىنىڭ مالىمەتىنشە، بۇگىنگى كۇندە 12-18 جاسقا دەيىنگى 176 791 ءجاسوسپىرىم كوروناۆيرۋسقا قارسى ۆاكسينا الدى. بالالارعا اتا-انالارى مەن قامقورشىلارىنىڭ كەلىسىمىمەن ەلدىڭ كەز كەلگەن ەگۋ پۋنكتىندە ەكپە سالۋعا بولادى.
ۆاكسينالاۋ ءۇشىن Pfizer/Biotech نەمىس ۆاكسيناسى قولدانىلادى. ەسكە سالا كەتەيىك، وزبەكستاندا بالالاردى ەرىكتى نەگىزدە ۆاكسينالاۋ پروسەسى 28 قىركۇيەكتە باستالعان بولاتىن.