وزبەكستاندا ساقالدىلارعا ايىپپۇل سالىنا باستادى
ساقال قويعانى ءۇشىن بىرنەشە ەر ادامعا ايىپپۇل سالىنىپ تا ۇلگەرگەن، سەبەبى بەتىن باسقان قالىڭ تۇك ادامنىڭ كىم ەكەنىن انىقتاۋعا كەدەرگى كەلتىردى، دەپ حابارلايدى aqshamnews.kz.
بۇل تۋرالى وزبەكستاننىڭ podrobno.uz اقپاراتتىق سايتى حابارلادى.
وسى باپتىڭ نەگىزگە الىپ، ايەلدەرءدى دە جاۋاپقا تارتۋدا (اتاپ ايتقاندا، بەتىن تولىعىمەن جاباتىن كيىم كيگەنى ءۇشىن). كورشى ەلدىڭ جوعارعى سوتىنىڭ سايتىندا جاريالانعان سوت شەشىمدەرىنە سايكەس، وزبەكستاننىڭ ءارتۇرلى ايماقتارىندا ادامدار ساقال ءۇشىن جاۋاپقا تارتىلدى.
2023 جىلدىڭ 31 قازانىندا «بۇركەنۋ دارەجەسى جەكە تۇلعانى انىقتاۋعا مۇمكىندىك بەرمەسە» (مەديسينالىق كورسەتكىشتەرگە، كاسىپتىك قىزمەتكە، سپورتتىق نەمەسە مادەني ءىس — شارالارعا قاتىسۋعا بايلانىستى جاعدايلاردى قوسپاعاندا) قوعامدىق ورىنداردا بەتتى جاۋىپ، ورانىپ جۇرۋگە تىيىم سالاتىن زاڭ قابىلداندى.
بۇل زاڭدى بۇزۋ 3،4-تەن 5،1 ملن سومعا دەيىن ايىپپۇل سالۋعا اكەپ سوعادى (شامامەن 129-194 مىڭ تەڭگە).
سوت شەشىمدەرىنىڭ بازاسىندا وسى باپتى قولدانۋعا بايلانىستى 789 ءىس تىركەلگەن. دجيزاك، سامارقاند، انديجان جانە فەرعانا وبلىستارىنىڭ ساقالدى ەر ادامدارى جاۋاپكەرشىلىككە ءجيى تارتىلادى ەكەن.