وزبەكستان پرەزيدەنتى شاۆكات ميرزيەيەۆتىڭ قازاقستانعا مەملەكەتتىك ساپارى 7 جانە 8 تامىزدا وتەدى.
استانادا وزبەكستاننىڭ كينو كۇندەرى وتەدى، دەپ حابارلايدى aqshamnews.kz
6-7 تامىزدا وزبەكستان رەسپۋبليكاسىنىڭ پرەزيدەنتى شاۆكات ميرزيويەۆتىڭ قازاقستانعا مەملەكەتتىك ساپارى اياسىندا "Chaplin" كينوتەاترىندا وزبەكستان كينو كۇندەرى وتەدى.
مادەنيەت جانە اقپارات مينيسترلىگى تاراتقان مالىمەتكە سۇيەنسەك، ەلوردا تۇرعىندارى مەن قوناقتارى وزبەك كينەماتوگرافتارىنىڭ ەكى ءفيلمىن تەگىن كورە الادى.
ءبىرىنشى فيلم - رەجيسسەر م.ەركينوۆ 2023 جىلى تۇسىرگەن "ابدۋللا وريپوۆ: تاۋەلسىزدىك ءانشىسى" كينوسى. تۋىندىدا وزبەكستان مەملەكەتتىك ءانۇرانى ءماتىنىنىڭ اۆتورى، كورنەكتى اقىنى ابدۋللا وريپوۆتىڭ ءومىرى مەن شىعارماشىلىعى تۋرالى باياندالادى. كورەرمەن اقىننىڭ بالالىق جانە جاستىق شاعىنا ساياحاتتاپ، ونىڭ وزبەك ادەبيەتى مەن مادەنيەتىنە قوسقان ەلەۋلى ۇلەسىنەن حاباردار بولا الادى.
ەكىنشى فيلم "ياشا، حوتين!"(جاسا، ايەل!) كومەدياسى وتباسىلىق قۇندىلىق تاقىرىبىن ازىلمەن اشادى. وقيعا زەينەتكە شىققاننان كەيىن ءوزىن جالعىز سەزىنەتىن ۇمىتشاق باستى كەيىپكەر تۋرالى. فيلم ەرلى-زايىپتىلار، اتا-انالار مەن بالالار اراسىنداعى ءوزارا سۇيىسپەنشىلىك پەن قامقورلىقتىڭ ماڭىزىن باياندايدى.