وتكەن تاۋلىكتە قازاقستان تجم كۇشتەرى 177 وقىس وقيعا ورنىنا باردى.
ونىڭ 82ء-سى ورتتەر مەن جانۋ وقيعالارى بولسا، 95ء-ى ىزدەستىرۋ، اۆاريالىق-قۇتقارۋ جانە باسقا دا جۇمىستار. بۇل رەتتە 357 ادام، ونىڭ ىشىندە 39 بالا قۇتقارىلىپ ەۆاكۋاسيالاندى، دەپ حابارلايدى Almaty-akshamy.kz cالا مينيسترلىگىنىڭ رەسمي اقپاراتىنا سىلتەمە جاساپ.
قاراعاندى وبلىسىنىڭ اۆتوجولدارىندا تجد قۇتقارۋشىلارى قار قۇرساۋىندا قالعان اۆتوكولىكتەردەن 20 ادامدى، ونىڭ ىشىندە 4 بالانى قۇتقاردى. سونىمەن قاتار، تجم 52859 اسكەري ءبولىمىنىڭ اسكەري قىزمەتشىلەرىمەن جانە پوليسيامەن بىرلەسىپ بلوكپوستتاردىڭ جابىق پۋنكتتەرىنەن جاقىن ماڭداعى ەلدى مەكەندەر مەن جول بويىنداعى كەمپينگتەرگە 287 ادام، ونىڭ ىشىندە 29 بالا ەۆاكۋاسيالاندى.
وبلىستىق ماڭىزى بار «كۋرچاتوۆ – سەمەي» اۆتوجولىندا كولىك قوزعالىسىنىڭ جابىلۋىنا بايلانىستى اباي وبلىسى تجد كۇشتەرى 5 ادام، ونىڭ ىشىندە 1 بالا ۋاقىتشا ورنالاستىرۋ پۋنكتىنە بىرگە ءجۇرىپ باردى. سەمەي قالاسىندا تجد قۇتقارۋشىلارى ءشۇلبى سۋ قويماسىندا اۆتوكولىكپەن مۇز استىنا ءتۇسىپ كەتكەن 2 بالىقشىنى قۇتقاردى. قۇتقارىلعاندار سەمەي قالاسىنا جەتكىزىلدى.
جەتىسۋ وبلىسىنىڭ الاكول اۋدانىندا «ءۇشارال-دوستىق» اۆتوجولىنىڭ 130 كم جالاڭاشكول ۋچاسكەسىندە تجد كۇشىمەن قار قۇرساۋىندا قالعان ەكى جەڭىل اۆتوكولىكتەن 3 ادام قۇتقارىلىپ، دوستىق ستانسياسىنا جەتكىزىلدى.
اقمولا وبلىسى ارشالى اۋدانى تۇرگەن اۋىلىنا جاقىن جەردە ىزدەستىرۋ-قۇتۇارۋ جۇمىستارى جۇرگىزىلدى. ەكى ەر ادام اتپەن مال ىزدەپ شىعىپ، جوعالىپ كەتكەن. ىزدەۋ توبى جوعالعان ادامداردى تۇرگەن اۋىلىنان 15 كم قاشىقتىقتا تاپتى
ۇلىتاۋ وبلىسىنىڭ جاڭاارقا اۋدانىندا تجد، جەرگىلىكتى اتقارۋشى ورگانداردىڭ، پوليسيا ءبولىمىنىڭ، جەرگىلىكتى تۇرعىنداردىڭ كۇشىمەن 2 قاڭتاردا «بەكشە» قىستاعىنان ىنتىماق اۋىلىنا قاراي شىعىپ، جوعالىپ كەتكەن ەر ادامدى ىزدەۋ جۇرگىزىلدى. ىزدەۋ توبى جوعالعان ادامدى 3 قاڭتاردا «بەكشە» قىستاۋىنان 10 كم قاشىقتىقتا تاپتى.
سونىمەن قاتار، قاراعاندى جانە اقمولا وبلىستارىندا «الماتى-ەكاتەرينبۋرگ»، «ششۋچينسك-استانا» اۆتوجولدارىندا اۆتوكولىكتەر سوقتىعىسقان كەزدە 26 ادام، ونىڭ ىشىندە 1 بالا قۇتقارىلدى.
تجم ازاماتتاردى ءورت قاۋىپسىزدىك شارالارىن ساقتاپ، داۋىل تۋرالى ەسكەرتۋلەردى، اۋا-رايىنىڭ وزگەرۋىن، جولداردىڭ جابىلۋى تۋرالى حابارلامالاردى باقىلاپ، الىس ساپارلارعا شىقپاۋعا شاقىرادى.
سونىمەن قاتار، قۇتقارۋشىلار اۋىلدىق جەرلەردە تۇراتىن تۇرعىندارعا اۋا رايى ناشارلاعان جاعدايدا الىس قاشىقتىققا جاياۋ جۇرۋدەن باس تارتۋدى ۇسىنادى.