سالاعا سالىنعان ينۆەستيسيا كولەمى 2،4 ترلن تەڭگە.
ەلىمىزدە 2021 جىلى 17،1 ملن شارشى مەتر تۇرعىن ءۇي پايدالانۋعا بەرىلدى. بۇل ارعى جىلمەن سالىستىرعاندا 11،4% كوپ، دەپ حابارلايدى Almaty-akshamy.kz قازاقپاراتقا سىلتەمە جاساپ.
رەسپۋبليكا بويىنشا بارلىعى 151 192 باسپانا، ونىڭ ىشىندە 41 250 جەكە تۇرعىن ءۇي پايدالانۋعا بەرىلدى.
سالاعا سالىنعان ينۆەستيسيا كولەمى 2،4 ترلن تەڭگەگە جەتىپ، 2020 جىلدىڭ سايكەس كەزەڭىنە قاراعاندا 19،1% ارتتى.
تۇرعىن ءۇيدى پايدالانۋعا بەرۋ كولەمى ارعى جىلمەن سالىستىرعاندا بارلىق وڭىردە دەرلىك وسكەن. اتاپ ايتقاندا، ماڭعىستاۋ (119%)، اقمولا (115،8%)، جامبىل (112،9%)، پاۆلودار (112،3%) وبلىستارى، سونداي-اق الماتى قالاسى (116،6%) جانە شىمكەنت قالاسى (116،1%) كوش باسىندا.
وسى رەتتە قاراعاندى (98،5%) جانە قىزىلوردا (93،8%) وبلىستارىن قوسپاعاندا، قوستاناي (109،8%)، الماتى (109،7%)، شىعىس قازاقستان (107،4%)، اتىراۋ (106،2%)، سولتۇستىك قازاقستان (105،8%)، باتىس قازاقستان (105،1%)، تۇركىستان (104،1%)، اقتوبە (104%) وبلىستارىندا، نۇر-سۇلتان قالاسىندا (104،6%) وڭ سەرپىن بايقالادى.