بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى قارجى باسقارماسى باسشىسىنىڭ مىندەتىن اتقارۋشى التىناي تولەۋتايەۆا ايتتى، دەپ حابارلايدى اlmaty-akshamy.kz.
وتكەن جىلدىڭ قورىتىندىسى بويىنشا، قالا تۇرعىندارىنىڭ باستاماسىمەن الماتىدا جالپى قۇنى 5،4 ملرد.تەڭگە بولاتىن 256 جوبا ىسكە اسىرىلىپ، پايدالانۋعا بەرىلدى.
«ءاربىر ىسكە اسىرىلعان جوبا وزىنشە بىرەگەي، قالالىقتاردىڭ ەڭ جاقسى پىكىرلەرىنە يە بولعان جوبالار بار. مىسالى، الاتاۋ اۋدانىنىڭ "شاڭىراق-2" جانە "توميريس" شاعىناۋداندارىنداعى بالالار مەن سپورت الاڭدارى كوپشىلىكتىڭ كوڭىلىنەن شىقتى»، - دەدى بريفينگتە الماتى قالاسى قارجى باسقارماسى باسشىسىنىڭ مىندەتىن اتقارۋشى التىناي تولەۋتايەۆا.
اعىمداعى جىلدىڭ 1 ماۋسىمىنان باستاپ الماتىدا «حالىقتىڭ بيۋدجەتكە قاتىسۋى» اياسىندا جوبالىق ۇسىنىستاردى قابىلداۋ باستالدى، ولاردى ىسكە اسىرۋ 2023 جىلعا جوسپارلانىپ وتىر. ءوتىنىم بەرۋ مەرزىمى budget.open-almaty.kz سايتى ارقىلى 20 شىلدەگە دەيىن.