قازاقستاندا 2024 جىلدىڭ قورىتىندىسى بويىنشا 3،4 ملن.استام تۇرعىن ستاسيونارلىق ەم الدى، دەپ حابارلايدى aqshamnews.kz.
دەنساۋلىق ساقتاۋ مينيسترلىگى باسپا ءسوز قىزمەتىنىڭ مالىمدەۋىنشە، بۇل وتكەن جىلمەن سالىستىرعاندا 87 مىڭ جاعدايعا كوپ.
مەملەكەت كەپىلدىك بەرگەن كولەمنىڭ شەڭبەرىندە ەمدەلگەن ناۋقاستاردىڭ جالپى سانىنان 1 ملن.پاسيەنت مەديسينالىق كومەك الدى، ءمامس جۇيەسىندە 2،4 ملن. جاعداي ەمدەلىپ، 2023 جىلمەن سالىستىرعاندا 76 مىڭ جاعدايعا ءوستى.
ستاسيونارلىق دەڭگەيدە 928 مىڭ وپەراسيا جۇرگىزىلدى، بۇل وتكەن جىلعى كورسەتكىشتەن 3،8%-عا نەمەسە 35 مىڭ جاعدايعا اسىپ ءتۇستى.
جىل باسىنان بەرى قازاقستاندىقتار مىندەتتى الەۋمەتتىك مەديسينالىق ساقتاندىرۋ (ءمامس) جۇيەسىنىڭ ەسەبىنەن كورسەتىلگەن كومپيۋتەرلىك توموگرافيا (كت) جانە ماگنيتتىك-رەزونانستىق توموگرافيا (مرت) سياقتى 1 ملن.استام قىمبات زەرتتەۋلەردەن ءوتتى.
وسى قىزمەتتەر ۇسىنىلعان 500 مىڭ پاسيەنتتىڭ 45 مىڭى ونكولوگيالىق اۋرۋلارعا كۇدىك تۋىنداعان جاعدايدا زەرتتەۋدەن ءوتتى.
مرت جانە كت – بۇل ءارتۇرلى اۋرۋلار مەن پاتولوگيالاردى ەرتە ساتىسىندا انىقتاۋعا، سونداي-اق اعزالار مەن تىندەردىڭ جاعدايىن باعالاۋعا كومەكتەسەتىن ماڭىزدى دياگنوستيكالىق ادىستەر.