وتكەن جىلى زاڭدى نەكەگە تۇرعاندار سانى 8،4% ازايعان.
2022 جىلعى قاڭتار-جەلتوقسان ارالىعىندا قازاقستاندا 128،5 مىڭ جۇپ شاڭىراق كوتەرسە، 17،7 مىڭ وتباسى اجىراسقان. بۇل تۋرالى ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات.
وتكەن ءبىر جىلدا 128،5 مىڭ نەكە تىركەلدى. 2021 جىلدىڭ 12 ايىمەن سالىستىرعاندا زاڭدى نەكەگە تۇرعاندار سانى 8،4% ازايعان. نەكە كوەففيسيەنتى 1000 ادامعا 6،46 قۇرادى.
سونداي-اق 17،7 مىڭ جۇپ اجىراسقان (سوتتىڭ نەكەنى بۇزۋ تۋرالى شەشىمدەرىن ەسەپكە الماعانداعى احات ورگاندارىنىڭ دەرەكتەرى بويىنشا). بۇل 2021 جىلعى دەڭگەيدەن 8،1% تومەن. اجىراسۋ كوەففيسيەنتى 1000 ادامعا 0،89 قۇرادى.